Technology Khabar ११ भाद्र २०७८, शुक्रबार
काठमाडौं ।
चिनियाँ टेक कम्पनी शाओमीले बिहीबार थुप्रै आईओटी उत्पादनहरु सार्वजनिक गरेको छ।
ती उत्पादनहरुमा एमआई ब्यान्ड ६ तथा तीन ओटा स्मार्ट टीभी, दुई ओटा ल्यापटप तथा एउटा गिगाबिट राउटर लगायतका छन्।
एमआई ब्यान्ड ६
यो शाओमीको भर्खरै आएको फिटनेस ट्र्याकर हो जसमा १.५६ इन्च एमोलेड डिस्प्ले रहेको छ। एसपीओ२ सहित हार्ट रेट मनिटर, स्लीप र स्ट्रेस ट्र्याकिङ सेन्सर रहेको छ।
यसबाहेक यो डिभाइसमा ३० ओटा एक्सरसाइज मोड दिइएको छ भने ५ एटीएम वाटर रेजिस्टेन्स रेटिङ पनि रहेको छ। यसम २ हप्ता ब्याट्री टिक्ने कम्पनीको दावी छ।
एमआई टीभी ५एक्स सिरिज
शाओमीको एमआई टीभीको लहरमा अब कम्पनीले ४३ इन्च, ५० इन्च र ५५ इन्च मोडलहरु थपेको छ। यी सबैमा फोरके रेजोल्युशन प्यानल, एचडीआर १० तथा डल्बी एटमस सर्टिफिकेशन उपलब्ध छ। यसबाहेक एन्ड्रोइड टीभी १० ओएस र शाओमीको आफ्नै प्याचवाल ४ इन्टरफेस रहेका छन्।
एमआई राउटर ४ए गिगाबिट एडिशन
एमआई राउटर ४ए गिगाबिट एडिशनले १, १६७ एमबीपीएससम्मको स्पीड दिन सक्ने कम्पनीले जनाएको छ। यसको मूल्य भारु २, १९९ तोकिएको छ।
एमआई ३६० होम सेक्युरिटी क्यामरा २के प्रो
एमआई ३६० होम सेक्युरिटी क्यामरा २के प्रो ले घरको अनुगमनका लागि १, २९६ पिक्सेल रेजोल्युशन भिडियो खिच्न सक्छ। यसमा हाइ सेन्सिटिभिटी इमेज सेन्सर, प्राइभेसी शिल्ड, डुअल ब्यान्ड वाइफाइ कलिङ र टू वे भ्वाइस कलिङ फिचर रहेको छ भने यसको मूल्य ४, ४९९ भारु तोकिएको छ।
प्रकाशित: ११ भाद्र २०७८, शुक्रबार
