बाटोमा मोबाइल लुटेर भाग्ने समूह पक्राउ

Technology Khabar ३१ असार २०७८, बिहीबार

काठमाडौं ।

काठमाडौंको बौद्ध क्षेत्रमा मोबाइल लुटपाटमा संलग्न ३ जनालाई प्रहरीले पक्राउ गरेको छ। नेपाल प्रहरी वृत्त वौद्धको विशेष टोलीले २० थान लुटेको मोबाइलसहित उनीहरुलाई पक्राउ गरेको हो।

प्रहरीकाअनुसार पक्राउ पर्नेमा बाराको निजगढ घर भएका समिर तामाङ, विरस मगर र खोटाङ घर भएका १९ वर्षीय भिम राई छन् । मोटरसाईकलमा हिँड्ने उनीहरुले बाटोमा हातमा मोबाइल लिएर हिँडेका र फोनमा कुरा गर्दै हिँड्नेहरूको मोबाइल लुटेर भाग्ने गरेका थिए ।

उनीहरुको साथबाट लुटेको २० थान मोवाइल बरामद गरिएको महानगरीय प्रहरी परिसर काठमाडौंले जानकारी दिएको छ। सो लुटमा संलग्नहरूबारे महानगरीय प्रहरी वृत्त बौद्धले अनुसन्धान गरिरहेको जनाएको छ।

प्रकाशित: ३१ असार २०७८, बिहीबार

तपाइको प्रतिक्रिया