नेपाल टेलिकमको फोरजी भीओएलटीई सेवा अब आईफोनमा समेत उपलब्ध

काठमाडौं ।

नेपाल टेलिकमले शुरु गरेको फोरजी भीओएलटीई सेवा अब आईफोनमा समेत उपलब्ध भएकोछ ।

कम्पनीले हालै आईफोनका सबै मोडलहरुमा फोरजी भीओएलटीई सेवा चलाउन सकिने जानकारी दिएको हो ।

कम्पनीले आईफोनहरुमा फोरजी भीओएलटीई सेवा परीक्षण गरेर सेवा उपलब्ध भएको जानकारी दिएको छ ।

नेपाल टेलिकमका प्रबन्ध निर्देशक डिल्लीराम अधिकारीले हालै सामाजिक सञ्जाल ट्विटरमार्फत आईफोनमा फोरजी भीओएलटीई सेवा उपलब्ध भएको जानकारी दिएका छन् ।

नेपाल टेलिकमको VoLTE सेवा अब iPhone  मा पनि उपलब्ध छ । सेवा सुचारु गर्न *444# Dial  गर्नुहोस र iPhone का ग्राहकहरुले  निशुल्क VoLTE  कल सुबिधा लिन 1444 Dial  गर्नुहोस। थप जानकारीको लागि https://t.co/Vf0aoBtpud https://t.co/pA5xyAJvTa

— Dilli Adhikari (@dr4955) June 1, 2021

उनले यसअघि नै एप्पलसँग यसको लागि सहकार्य गरेको जानकारी दिए । ‘हामीले केहि समय अगाडिदेखि परीक्षण गरिरहेका थियौं र अब सबै आईफोन यूजरहरुले सो सेवा प्रयोग गर्न सक्ने भएका छन् ,’ उनले भने ।

आईफोन यस बाहेक कम्पनीको सूचीअनुसार सामसङ, शाओमी र नोकियाका सिमित मोडलहरुमा फोरजी भीओएलटीई सेवा उपलब्ध रहेको छ ।

यो पनि हेर्नुस्-

किन चलेन तपाईँको मोबाइल फोनमा नेपाल टेलिकमको भीओएलटीई सेवा ? यस्तो छ कारण