ताजा समाचार

नेपालमा आयात हुने मोबाइल फोनका ब्याट्रीको गुणस्तर दूरसञ्चार प्राधिकरणले आफैं जाच्ने

नेपालमा आयात हुने मोबाइल फोनका ब्याट्रीको गुणस्तर दूरसञ्चार प्राधिकरणले आफैं जाच्ने
Global IME Bank

नेपाल दूरसञ्चार प्राधिकरणले अब नेपालमा आयात हुने मोबाइल फोनका ब्याट्रीहरुको गुणस्तर आफैंले परीक्षण गर्ने भएको छ।

प्राधिकरणले हालसम्म आयातित मोबाइल तथा आईएमईआई नम्बर भएका कुनैपनि डिभाइसहरुको ब्याट्रीको गुणस्तर र मापदण्डलाई उत्पादक कम्पनीको प्रमाणपत्रको आधारमा नै मान्दै आएकोमा अब भने आफैंले ब्याट्री गुणस्तर परीक्षण गर्ने भएको हो।

मोबाइल ब्याट्री गुणस्तर मापन गर्ने र मापदण्डअनुसार भए नभएको परीक्षण गर्ने डिभाइस तथा ब्याट्री परीक्षण गर्ने प्रणाली आईसकेको र त्यसको प्रयोगको बारेमा तालिम सञ्चालन भईरहेको प्राधिकरणका प्रवक्ता मिन प्रसाद अर्यालले जानकारी दिए।

‘डिभाइस आईसकेको छ अहिले तालिमको क्रममा रहेको हुँदा तालिम सकिएसँगै ब्याट्रीको गुणस्तर परीक्षण नियमितरुपमा गरिनेछ,’ उनले भने ।

यसको लागि प्राधिकरणले मापदण्ड यसअघि नै तोकेको छ र सोहि मापदण्डलाई आधार मानेर ब्याट्री परीक्षण गर्ने प्रणालीमार्फत नेपालमा आयात हुने मोबाइलका ब्याट्रीहरुको गुणस्तर परीक्षण गरिनेछ।

हाल नेपालमा स्मार्टफोनका लागि न्यूनतम १,००० एमएएच र फिचर फोनको लागि न्यूनतम ६,०० एमएएच क्षमताको ब्याट्री हुनुपर्ने मापदण्ड तोकिएको छ । सो भन्दा कम क्षमताको ब्याट्री जडान भएका स्मार्टफोन र फिचरको लागि प्राधिकरणले टाइप अप्रुभल जारी गर्दैन् ।

Sajilo Visa
easy care