ताजा समाचार

एसईई विद्यार्थीहरुका लागि नेपाल टेलिकमको गिफ्टसहितको सिम कार्ड दिने अफर

एसईई विद्यार्थीहरुका लागि नेपाल टेलिकमको गिफ्टसहितको सिम कार्ड दिने अफर
Global IME Bank

नेपाल दूरसञ्चार कम्पनी लिमिटेडले नेपाल टेलिकमले हालै एसईई पास गरेका विद्यार्थीहरुका लागि हरेक दिन गिफ्टसहितको सिम कार्ड दिने अफर ल्याएको छ ।

कम्पनीले ३० दिनसम्म उपलब्ध हुने एभ्रिडे गिफ्ट तथा रिचार्ज अफरअन्तरगत डाटा, भ्वाइस तथा एसएमएस उपलब्ध गराउने छ ।

एसईई दिएका विद्यार्थीले नयाँ सिम खरिद गरेको ३० दिनसम्म प्रत्येक दिन १सय एमबी डाटासहित कुल ३००० हजार एमबी डाटा, प्रतिदिन नेपाल टेलिकमको नेटवर्कमा १० मिनेट भ्वाइससहित ३०० मिनेट टकटाइम र पाँच वटा एसएमएस दैनिकसहित कुल १५० एसएमएस प्राप्त गर्नेछन् ।

यसका साथै एसईई विद्यार्थीले ५० रुपैयाँमाथिको हरेक रिचार्जमा एक वर्षसम्म ५०० एमबी डाटा, ५० मिनेट टकटाइम र ५० वटा एसएमएस प्राप्त गर्नेछन् ।

यो अफरको सुबिधा अहिले टेलिकमको सिम प्रयोग गरिरहेका विद्यार्थीले प्राप्त गर्न सक्ने टेलिकमले जनाएको छ।

यो सुबिधा लिनका लागि विद्यार्थीले एसईईको कार्ड, फोटो  र आईडी कार्ड लिएर नजिकको टेलिकम अफिसमा सम्पर्क गर्न टेलिकमले अनुरोध गरेको छ ।

Sajilo Visa
easy care