काठमाडौं ।
त्रिभुवन विश्वविद्यालय (त्रिवि) अन्तर्गत विज्ञान तथा प्रविधि अध्ययन संस्थानले शैक्षिक सत्र २०८३ का लागि बीटेक (फुड टेक्नोलोजी) कार्यक्रममा नयाँ विद्यार्थी भर्नाका लागि आवेदन खुला गरेको छ।
संस्थानले सेमेस्टर परीक्षा प्रणालीअन्तर्गत सञ्चालन हुने चार वर्षे स्नातक तहको बीटेक (फुड टेक्नोलोजी) कार्यक्रमका लागि प्रवेश परीक्षा आवेदनसम्बन्धी सूचना जारी गर्दै इच्छुक उम्मेदवारलाई आवेदन दिन आग्रह गरेको हो।
प्रवेश परीक्षाका लागि आवेदन फाराम भर्दा हालसालै खिचिएको फोटो, नागरिकता वा परिचय खुल्ने प्रमाणपत्र, शैक्षिक योग्यताका प्रमाणपत्र तथा अन्य आवश्यक कागजात अपलोड गर्नुपर्नेछ। आवेदन फाराम सफलतापूर्वक पेश गरेपछि प्राप्त हुने कन्फर्मेसन पृष्ठ प्रिन्ट गरी सुरक्षित राख्न संस्थानले आग्रह गरेको छ।
प्रवेश परीक्षा २०८३ भदौ ७ गते बिहान १० बजे सञ्चालन हुनेछ।
आवेदनका लागि न्यूनतम योग्यता
क) मान्यता प्राप्त शिक्षण संस्थावाट माध्यमिक शिक्षा वा सो सरहको १०+२ (विज्ञान) वा प्रविणता प्रमाणपत्र तह खाद्य / प्रयोगशाला प्रविधि वा प्रमाणपत्र तह वा सो सरहको परीक्षामा रसायनशास्त्र र गणित विषयमा १००/१०० पूर्णाङ्क लिई कम्तीमा दोस्रो श्रेणी वा फाइनल ग्रेड सी ल्याई कम्तीमा १०० पूर्णाङ्कको अङ्ग्रेजी विषय लिई उत्तीर्ण गरेको हुनुपर्नेछ। अन्य विषयहरुमा कम्तीमा जीपीए १.६ प्राप्त गरी उत्तीर्ण गरेको हुनुपर्नेछ।
(ख) सीटीईभीटीबाट तीन वर्षे डिप्लोमामा अङ्ग्रेजी, रसायनशास्त्र र गणित विषयमा १००/१०० पूर्णाङ्क लिई कम्तीमा दोस्रो श्रेणीमा उत्तीर्ण गरेको हुनुपर्नेछ।
(ग) ए लेभल अध्ययन गर्नेको हकमा अङ्ग्रेजी, रसायनशास्त्र र गणित विषयमा १००/१०० पूर्णाङ्कको विषय लिई प्रत्येक विषयमा कम्तीमा डी ग्रेड ल्याई उत्तीर्ण हुनुपर्नेछ।
(घ) विदेशी शैक्षिक संस्था वा विश्वविद्यालयबाट प्राप्त गरेको शैक्षिक योग्यताको हकमा पाठ्यक्रम विकास केन्द्र, सानोठिमी भक्तपुरबाट समकक्षता प्राप्त गरेको कागजात पेस गर्नुपर्नेछ ।
यसरी दिनुहोस् आवेदन
प्रकाशित: १४ असार २०८३, आईतवार
