काठमाडौं ।
ब्लूमबर्गका मार्क गर्मनका अनुसार एप्पलको बहुप्रतिक्षित म्याक कम्प्युटर मोडेलको अपग्रेडहरूमा आर्टिफिसियल इन्टेलिजेन्सको विस्तारको कारणले गर्दा निरन्तर मेमोरी अभाव भएको हुनाले ढिलाइ भइरहेको बताइएको छ।
एप्पलको शक्तिशाली र व्यावसायिक डेस्कटप कम्प्युटर नयाँ म्याक स्टुडियोको लागि ढिलाइ हुने विश्वास गरिएको र सम्भावित टचस्क्रिन म्याकबुक प्रोको लन्चलाई ढिलो बनाएको स्पष्ट रूपमा बताएको टेलिग्राफले रिपोर्ट गरेको छ।
अपग्रेड गरिएको स्टुडियो “वर्षको मध्यतिर” सम्भवतः गर्मी याममा रिलिज हुने रिपोर्ट गरिएको छ भने एप्पलले अब अक्टोबरमा लन्च गर्ने विचार गरिरहेको गर्मनको भनाइ रहेको छ।
त्यसैगरी, टचस्क्रिन म्याक अर्को वर्षमा मात्रै डेब्यू हुन सक्ने गर्मनले बताएका छन्।
एप्पलको नयाँ एन्ट्री–लेभल नोटबुक कम्प्युटर, म्याकबुक नियो निकै ठूलो सफल सावित भएको र अहिलेसम्म अभावको प्रभावबाट बच्न सकेको देखिन्छ।
मेमोरीको अभावले मूल्य निर्धारणमा अराजकता निम्त्याएको छ। मेटाका अनुसार क्वेस्ट ३ हेडफोनको लागि १०० अमेरिकी डलरको नयाँ मूल्य वृद्धि र्यामको अभावका कारण भएको बताइएको छ।
“मेमोरी र कम्पोनेन्ट लागतमा हालै भएको वृद्धि” का कारण केही माइक्रोसफ्ट सर्फेस डिभाइसहरूको मूल्य ५०० अमेरिकी डलर सम्म वृद्धि भएको उल्लेख गरिएको छ। अप्रिलको सुरुमा रास्पबेरी पाई १५० अमेरिकी डलर सम्म महँगो भएको थियो।
अर्को वर्ष वा सम्भवतः २०२८ सम्ममा पनि मेमोरी मूल्यहरू स्थिर हुने सम्भावना नभएको विश्लेषकहरूले बताएका छन्।
प्रकाशित: १४ बैशाख २०८३, सोमबार
