काठमाडौं ।
आईफोन १७ई हालैका हप्ताहरूमा धेरै लीकको विषय बनिरहेको छ। ब्लूमबर्गका मार्क गर्मनले एप्पलको आगामी किफायती आईफोन वरिपरि हालैका लीकहरूलाई ठूलो मात्रामा पुष्टि गरेका छन्।
गर्मनका अनुसार आईफोन १७ई ए१९ चिपसेटद्वारा संचालित हुनेछ र म्यागसेफ चार्जिङलाई समर्थन गर्नेछ। आईफोन १६ईमा भने ए१९ चिपसेट र म्यागसेफ चार्जिङलाई समर्थन उपलब्ध थिएन।
आगामी आईफोनले नवीनतम इन–हाउस सेलुलरको साथमा सी१एक्स र एन१ चिप्स प्राप्त गर्ने गर्मनले उल्लेख गरेका छन्।
आईफोन १७ईले आफ्नो पूर्ववर्ती जस्तै ५९९ अमेरिकी डलरको मूल्य ट्याग कायम राख्ने अपेक्षा गरिएको छ। गर्मनले नयाँ आईफोनको लन्च आसन्न रहेको पनि बताएका छन् र हालैको लीकले फेब्रुअरी १९ मा डेब्यू हुने उल्लेख गरेको छ।
आईफोन १७ईले डायनामिक आईल्याण्ड त्याग्ने र १६ईबाट धेरै हदसम्म अपरिवर्तित डिजाइन कायम राख्ने जीएसएमएरिनाले रिपोर्ट गरेको छ।
प्रकाशित: २६ माघ २०८२, सोमबार
