काठमाडौं ।
सोनीले हालै आफ्नो लिङ्कबड्स क्लिप इयरबड्स घोषणा गरेको थियो। नयाँ लीकले अब डब्ल्यूएफ–१०००एक्स सिरिजमा उचित इन–इयर फ्ल्यागशिप अफरको रुपमा डब्ल्यूएफ–१०००एक्सएम६ को मूल्य निर्धारण विवरणहरूसँगै पहिलो झलक प्रदान गरेको छ।
सोनी डब्ल्यूएफ–१०००एक्सएम६ थाई खुद्रा बिक्रेताको सूचीमा देखा परेको र पछि मेटाइएको उल्लेख गरिएको छ। आफ्ना पूर्ववर्तीहरू भन्दा चौडा र पूर्ण–म्याट फिनिशको साथ इयरबड्सको डिजाइनमा अपडेट गरिएको देख्न सकिने छ।
इयरबड केसिङमा देख्न सकिने दोस्रो ग्रिलमा सम्भवतः अतिरिक्त बाह्य माइक्रोफोन राख्न सकिने छ। तसर्थ डब्ल्यूएफ–१०००एक्सएम६ मा एक आन्तरिकसँगै तीनओटा बाह्य माइक्रोफोनहरू समावेश गर्न सकिनेछ र प्रति इयरबडको लागि चारओटा माइकहरू उपलब्ध हुनेछन्। हालको एक्सएम५एसमा प्रति साइड तीनओटा माइकहरू रहेको छन्।
सूचीकरणमा विस्तृत विशिष्टताहरू भने उपलब्ध नभएको तर बड्सको लागि आईपीएक्स४ मूल्याङ्कनको पुष्टिकरण प्राप्त गरिएको उल्लेख गरिएको छ। आफ्नो पूर्ववर्तीहरू जस्तै नयाँ बड्सकाको इयर टिपमा फोम देखिएको छ।
चार्जिङ केसमा गोलाकार आयताकार प्रिज्म जस्तो देखिने अपडेट गरिएको डिजाइन पनि रहेको छ। यो पूर्ण रूपमा म्याट जस्तो देखिन्छ भने यो कम्तिमा कालो र चाँदी गरी दुई रङ्गहरूमा उपलब्ध हुनेछ।
सूचीमा सोनी डब्ल्यूएफ–१०००एक्सएम६ को खुद्रा मूल्य ११,९९० थाई भाट (३८०अमेरिकी डलर/३२२ यूरो) हुने सुझाव दिइएको छ। तुलनाको लागि, डब्ल्यूएफ–१०००एक्सएम५ २०२३ मा ३००अमेरिकी डलर/३२० यूरोमा लन्च गरिएको थियो। सोनीले डब्ल्यूएफ–१०००एक्सएम६ को आधिकारिक रूपमा कुनै विवरण पुष्टि नगरे पनि सूचीले बड्स लन्च चाँडै आउँदैछ भन्ने सुझाव दिएको जीएसएमएरिनाले रिपोर्ट गरेको छ।
प्रकाशित: २२ माघ २०८२, बिहीबार
