‘व्यवहारिक शिक्षाको मागलाई मदन भण्डारी विश्वविद्यालयबाट उत्पादन हुने जनशक्तिले सम्बोधन गर्नसक्ने’

काठमाडौं ।

नेपालको व्यवहारिक शिक्षाको मागलाई मदन भण्डारी विज्ञान तथा प्रविधि विश्वविद्यालय (एमबियूएसटी) बाट उत्पादन हुने जनशक्तिले सम्बोधन गर्नसक्ने औंल्याईको छ। मदन भण्डारी विश्वविद्यालयले आइतबार काठमाडौमा गरेको विश्वस्तरिय विश्वविद्यालय निमार्णका लागी पहिलो कदम विषयक अन्तरराष्ट्रिय भेलाका सहभागीले सो सम्भावना औल्याएका हुन्।

भेलालाई सम्बोधन गर्दै ओलिन कलेज अफ इन्जिनियरिङ बोष्टन अमेरिकाका संस्थापन अध्यक्ष रिचर्ड मिलरले व्यवहारिक शिक्षामा हुने लगानी नै शिक्षा क्षेत्रको वास्तविक लगानी हुने बताए।

उनले नेपालमा स्थापना भएको प्रविधि विश्वविद्यालयलाई सहयोग गर्न आफु प्रतिबद्ध रहने भन्दै गुणस्तरिय जनशक्ति उत्पादनमा सरकार, निती निर्माता, विश्वविद्यालय र समाजको भूमिका रहने भन्दै स्तरिय शिक्षाले टिक्नसक्ने मानव संसाधन निमार्ण हुने बताए।

त्यसैगरी अमेरिकन विश्वविद्यालय कायरोका पूर्व उपाध्यक्ष ब्रुस फ्लेस्नरले नेपालका प्राविधिक विश्वविद्यालय संचालनको प्रशस्त सम्भावना रहेको भन्दै उत्साहका साथ मदन भण्डारी विश्वविद्यालयमा लगानी गर्न आग्रह गरे।

दैनिक जिवन चलाउन उपयोगी शिक्षाको छुट्टै महत्व हुने भन्दै फ्लेस्नरले लगानीकर्तालाई उत्साहका साथ काम गर्न आग्रह गरे।

नेशनल युनिभर्सिटी अफ सिंगापुरका पूर्व संस्थापन उपाध्यक्ष सिराम रामकृष्णाले सिंगापुर विश्वविद्यालयले स्पष्ट लक्ष्य निर्धारण गरेर काम गर्दा २५ वर्षमा विश्वका उत्कृट विश्वविद्यालयमा सामेल हुन सकेको उदाहरण प्रस्तुत गर्दै नेपालमा पनि प्राविधिक विश्वविद्यालय संचालनको सम्भाना रहेको बताए।

उनले विश्वस्तरिय सेवा, गुणस्तरिय शिक्षामा ध्यान केन्द्रित गर्दा मदन भण्डारी विश्वविद्यालयले पनि विश्यका गुणस्तरिय मध्येको एक विश्वविद्यालय बन्न सक्ने जिकिर गरे ।

शोध, अनुसन्धान, वैज्ञानिक प्रयोगशाला र विश्वविद्यालयमा भएको लगानी नै समृद्ध भविष्यको वास्तविक लगानी हुने भन्दै नेपाल सरकार, निती निमार्ता र सरोकारवालालाई सोहि पक्षमा केन्द्रित रहन सुभाव दिए।

विश्व बैंकका पूर्व नेपाल निर्देशक केनिची ओहासीले नेपाल सरकार र यसका निकायले नीति निर्माण गर्दा उत्पादकत्व बढाउनेतर्फ ध्यान केन्द्रित गर्नेपर्ने धारणा राखे।

सो कार्यका लागी सरकारका नितीहरु प्रविधिमैत्री, व्यवहारिक र समाबेशी सहभागीतामा आधातिर अवधारणामा केन्द्रित हुनुपर्न भन्दै उनले नेपालले आफ्नै मौलिक विधिबाट प्रभावकारी आयोजना बनाउने, कार्यान्वयन गर्न प्रशस्त सम्भावना रहेको भन्दै शिपयुक्त बिद्यार्थीले यस कार्यमा महत्वपूर्ण भूमिका निवार्ह गर्ने बताए।

कार्यक्रममा मदन भण्डारी विश्वविद्यालयका अध्यक्ष डा.राजेन्द्रध्वज जोशीले विश्वस्तरिय विश्वविद्यालय स्थापनाको सपना साकार भएको भन्दै मदन भण्डारी विश्वविद्यालयलाई अहिलेको भन्दा पनि स्तरिय अवस्थामा टिकाइ राख्नुपर्ने जिम्मेवारी आफुमा आईपरेको बताए।

उनले सो जिम्मेवारी पूरा गर्नका लागी विश्वकास्तरिय विश्वविद्यालयसंगको सहकार्य र सहयोग समेत आवश्यक रहेको भन्दै सहयोगको माग गरे।

विश्वविद्यालयले अहिले च्याउ, किवी, अर्गानिक तराकारी उत्पादन तथा अनुसन्धान गर्ने गराउने र कृषि, उद्योग एआइ र प्रविधिका विविक्ष पक्षमा अध्ययन गरेको भन्दै त्यस्ता अध्ययन विश्वका अनुसन्धान संस्थाको समेत ध्यान तानेको बताए।

कार्यक्रममा पूर्व शिक्षामन्त्री गिरीराजमणी पोखरेलले मदन भण्डारी विश्वद्यिालयको स्थापना नेपालको उच्च शिक्षामा एक महत्वपूर्ण फड्को मारेको बताए। उनले छुट्टै कानुन र अलग अवधारणामा स्थापना भएका स्वास्थ्य, प्राविधिक र खुला विश्वविद्यालयको आफ्नै महत्व रहने भन्दै उनले यस्ता विश्वविद्यालका जनशक्तिले उद्यमशिलता विकास गर्न देश निर्माणमा भूमिका निभाउने पनि बताए।

उनले अर्थतन्त्रमा रुपान्तरणकारी भूमिका निभाउने काम पूराना विश्वविद्यालयले गर्ने नसक्ने भन्दै नयाँ अवधारणाका विश्वविद्यालय स्थापना गर्नुपरेको बताए।

कार्यक्रममा एरिस मसरुम फर्मका संचालक ओमकृष्ण श्रेष्ठ र मदन भण्डारी विश्वविद्यालयका संचालक डा. राजेन्द्रध्वज श्रेष्ठले समझदारी पत्रमा हस्ताक्षर गरेका थिए।