काउन्टर–स्ट्राइक २ ले अन्ततः सीएसःगोको रेकर्ड तोड्यो

काठमाडौं ।

काउन्टर स्ट्राइक २ ले अन्ततः सीएसःगो ले वर्षौंदेखि कायम राखेको संख्यालाई पार गर्न सफल भएको छ।

लोकप्रिय सीएसःगो भिडियो गेमले मे महिनामा १.८१ मिलियन खेलाडीहरूको साथ लोकप्रियताको शिखरमा पुगेको थियो। तर अब यो रेकर्ड तोडिएको छ भन्दै टेलिग्राफले रिपोर्ट गरेको छ।

काउन्टर–स्ट्राइक २ मा खेलाडीहरूको संख्या थोरै कम भए पनि, यसको सुरुवातको केही समय पछि यसले अन्ततः यसको पूर्ववर्तीलाई उछिनेको उल्लेख छ।

भल्भको मुख्य रणनीतिक आक्रमणकारी अत्यन्तै सफल भएको बताइएको भएता पनि लामो समयदेखि सीएसःगो शीर्षकहरूको छायामा रहँदै आएको र जीओ (गो) ले अहिलेसम्म हासिल गरेको उचाइमा कहिल्यै पुग्न नसकेको उल्लेख गरिएको छ।

काउन्टर–स्ट्राइक २ ले १,८२४,९८९ को उच्तम खेलाडी गणनाको साथ आधिकारिक रूपमा सीएसःजीओ (गो) को (१,८१८,७७३ खेलाडीहरू) द्वारा राखिएको अघिल्लो रेकर्डलाई पार गरेको छ। भल्भले पनि यसलाई स्वीकार गरेको छ।

यो उपलब्धि स्टीमले हालै आफ्नो प्लेयर रेकर्ड तोडेको केही समयपछि आएको बताइएको छ जसको अहिले ४ करोड समवर्ती प्रयोगकर्ताहरू रहेका छन्।

काउन्टर–स्ट्राइक विश्वकै सबैभन्दा ठूला ईस्पोट्र्स शीर्षकहरू मध्ये एक भएको हुनाले अब यसको सुस्त हुने कुनै संकेत देखिएको छैन।

यो रेकर्डले काउन्टर–स्ट्राइक २ लाई हालसम्मकै सबैभन्दा धेरै समय खेलिएको स्टीम शीर्षक भने नबनाएको र नजिक पनि नभएको उल्लेख गरिएको छ।

यो रेकर्ड अझै पनि ३.२ मिलियन भन्दा बढी एकैसाथ खेलाडीहरूका साथ पबजीः ब्याटलग्राउन्ड्सको भएको बताइएको छ। त्यसैगरी सीएस भन्दा अघि ब्ल्याक मिथः वुकोङ र पलवर्ल्ड  पनि रहेका छन् जसमा २० लाख भन्दा बढी खेलाडीहरू भएको टेलीग्राफले उल्लेख गरेको छ।