८० को दशकको प्रतिष्ठित कार रेनो ५ टर्बो २०२७ मा विद्युतीय “बिस्ट” को रूपमा फर्किँदै

काठमाडौं ।

फ्रान्सेली अटो कम्पनी रेनोले ८० को दशकको आइकनलाई स्टनिङ पर्फमेन्स (आश्चर्यजनक प्रदर्शन) को साथ विद्युतीय ‘बिस्ट’ को रूपमा फिर्ता ल्याउने तयारीको लागि योजना बनाएको छ।

फ्रान्सेली कार जायन्टले रेनो ५ टर्बो २०२७ मा ‘मिनी सुपरकार’ ५ टर्बो ३ई को रूपमा फर्कने पुष्टि गरेको छ।

टेलिग्राफको रिपोर्ट अनुसार प्रत्येक युनिट ह्याण्ड–बिल्ट (हातले निर्मित) हुनेछ जसमा प्रायः कार्बन फाइबर हुनुका साथै अत्यन्तै छिटो तयार गरिने र सम्भवतः छ–अंकको रकमको लागत हुनेछ।

यसको पूर्ववर्तीबाट परिवर्तन गर्दै केवल १,९८० विद्युतीय कारहरू उत्पादन गरिने बताइएको छ। साथै यो रोड–लिगल हुनेछ भनि रेनोले बताएको छ जुन किन्न सकिने सबैभन्दा एक्सट्रिम इलेक्ट्रिक (विद्युतीय) कारहरू मध्ये एक हुने बताइएको छ।

“रेसिङ, ड्रिफ्टिङ र ट्र्याक पर्फमेन्सको लागि निर्मित कार सडकको लागि अनुकूलित” हुने फ्रान्सेली फर्मले बताएको छ।

यो इलेक्ट्रिक कार यति एक्सट्रिम (उच्च) हुनेछ कि यसले ‘मिनी–सुपरकार’ को नयाँ युगको सुरुवात गर्ने रेनोका प्रमुख कार्यकारी अधिकृत फेब्रिस क्याम्बोलिभले बताएका छन्।

“यो असाधारण र अत्यधिक रोमाञ्चक मोडेलले केवल चार मिटर लम्बाइका साथ उत्कृष्ट पर्फमेन्स (प्रदर्शन) र सनसनीको प्रतिज्ञा गर्दछ, जुन बजारमा अभूतपूर्व हुनेछ” क्याम्बोलिभले भने।

“यस कारको साथ, हरेक आवश्यकता र हरेक चाहनाको लागि समाधान प्रदान गर्ने क्षमतालाई अझ विस्तार गर्दै, रेनोले विद्युतीय सवारी साधनहरूलाई बढ्दो रूपमा वाञ्छनीय बनाउँदै लगिरहेको छ” उनले थपे।
यो नयाँ २६००० यूरो रेनो ५ ई–टेक सुपरमिनी जस्तो देखिए पनि, टर्बो ३ईले यसबाट लगभग कुनै पनि पार्टपुर्जा उधारो नलिने र यसको लागत कम्तिमा पाँच गुणा बढी हुने सम्भावना रहेको बताइएको छ।

यसमा एक अद्वितीय प्लेटफर्म रहेको बताइएको छ जुन स्ट्याण्डर्ड इलेक्ट्रिक सुपरमिनीहरूसँग धेरै कम साझा गर्नेछ।

प्रत्येक ड्राइभट्रेनको साथ बडी प्यानल पनि नयाँ हुनेछ जसमा इलेक्ट्रिक मोटरहरू समावेश हुनेछन् जसले पछाडिको पाङ्ग्राहरूमा लगभग तुरुन्तै शक्ति पठाउन सहयोग गर्नेछ।

पर्फमेन्सको हिसाबले यो निस्सन्देह यस आकारको सबैभन्दा फास्टेस्ट (तिव्र) इलेक्ट्रिक कार हुने उल्लेख गरिएको छ।

दावी गरिएको ५३६ हर्सपावरको साथ, फ्रान्सेली ब्रान्डले यो ३.५ सेकेन्ड भन्दा कम समयमा नै ० देखि १०० किलोमिटर प्रति घण्टाको गतिमा र ९ सेकेन्ड भन्दा कम समयमा नै ० देखि २०० गतिमा एक्सेलेरेशन गर्ने बताएको छ भने इलेक्ट्रोनिक रूपमा सीमित २७० किलोमिटर प्रति घण्टाको शीर्ष गति हुनेछ जुन ट्र्याकमा मात्र अनलक गर्न सकिने छ।

त्यसैगरी ओभरटेकिङको लागि, स्टेयरिङ ह्वीलमा रहेको बटनले पावर बूस्ट प्रदान गर्ने टेलिग्राफले उल्लेख गरेको छ।