एप्पलको आईफोन १७ सिरिजका डमीहरू मेटल मोल्डसमा देखा परे

काठमाडौं ।

एप्पलको आगामी आईफोन १७ सिरिज हालै प्रि–प्रोडक्सन मेटल मोल्डस (पूर्व–उत्पादन धातुको साँचो) को रूपमा देखिएका छन्। ती मेटल मोल्डहरूले आईफोन १७ प्रो म्याक्स (वा अल्ट्रा?), आईफोन १७ प्रो, आईफोन १७ एयर, र बेस (आधार) आईफोन १७ देखाएको उल्लेख छ।

साथै उक्त मोल्डहरू केही हदसम्म भरपर्दो एप्पल लीकस्टर सोनी डिक्सनले एक्समार्फत खुलासा गरेको छ।

मोल्डस (साँचोहरू) सामान्यतया तेस्रो–पक्ष केसमेकरहरूलाई काम गर्नका लागि तयार पारिएको छ।

उक्त मोल्डहरूबाट आईफोन १७ र १७ प्रो मोडेलहरूले समान आकार (१४९.६ एमएम अग्लो) र सम्भवतः उही ६.३–इन्चको डायगोनल साझा गर्न जारी राख्ने भएका छन्। आईफोन १७ एयर दुवै १५६ एमएममा भन्दा अग्लो हुने बताइएको छ। यसको क्यामरा बम्प पनि सबैभन्दा स्पष्ट हुने बताइएको छ।

त्यसैगरी आईफोन १७ प्रो म्याक्स स्वाभाविक रूपमा सबैभन्दा ठूलो मोडेल हुनेछ।

सबै चार मोडेलहरूको पछाडि म्यागसेफ रहने बताइएको छ। सबै चार मोडेलहरूमा एउटै प्रकारको बटन लेआउट पनि हुनेछ जसमा बायाँ साइडमा दुईवटा भोल्युम बटनहरूका साथै म्यूट स्विच, एक्सन बटन र दायाँ साइडमा क्यामरा कन्ट्रोल की हुने जीएसएमएरिनाले उल्लेख गरेको छ।