स्टोर सञ्चालन र विकासका लागि ३५ करोड डलर खर्च गर्दै एम.भिडियो-एल्डोराडो

काठमाडौं ।

रुसी उपभोक्ता इलेक्ट्रोनिक्स खुद्रा बिक्रेता एम.भिडियो-एल्डोराडोले आफ्नो तीन-वर्षे रणनीति लागू गर्नका लागि २०२५ को पूर्वार्धमा नयाँ शहरहरूमा विस्तार गर्दै र अनलाइन बिक्री बढाउँदै, पसलहरू खोल्न थप ३५० मिलियन डलर खर्च गर्ने भएको छ।

प्रतिबन्धित राज्य-स्वामित्वमा रहेको रक्षा क्षेत्रको ऋणदाता प्रोम्सभयाजबैंकले एम.भिडियो किन्ने बारेमा वार्ता गरिरहेको कमर्सान्त र वेदोमोसती पत्रिकाहरूले जनवरीमा स्रोतहरूलाई उद्धृत गर्दै रिपोर्ट गरेका थिए। स्रोतहरूका अनुसार यो बिक्रीले एम.भिडियोको बढ्दो ऋण समस्याहरू समाधान गर्न र एउटा प्रमुख सूचीबद्ध कम्पनीलाई रुसी राज्यको नजिक ल्याउन सहयोग गर्न सक्छ।

रोयटर्सका अनुसार एम.भिडियो-एल्डोराडो ग्रुपका महाप्रबन्धक फेलिक्स लिबले कम्पनीमा निगमित शासनको सबै स्तरमा, सञ्चालक मण्डलमा र शीर्ष व्यवस्थापनमा परिवर्तनहरू हुने बताएका छन्। नयाँ शेयरधनीहरूको बारेमा जानकारी पछि खुलासा गरिने एम.भिडियोले जनाएको छ।

“नयाँ शेयरधनीहरूबाट प्राप्त पहिलो भुक्तानी ११.५ अर्ब रुबल कम्पनीले पहिले नै पाइसकेको छ,” लिबले एक विज्ञप्तिमा भने। मार्च-अप्रीलमा समूहको दीर्घकालीन विकास रणनीति कार्यान्वयन गर्न कुल लगानी ३० अर्ब रुबल (३५०.८८ मिलियन डलर) पुग्नेछ, उनले थपे।

योजना गरिएको यो लगानी एम.भिडियोको हालको बजार पूँजीकरण करिब २१ अर्ब रुबलभन्दा बढी छ। यो घोषणा पछि कम्पनीका मस्को-सूचीकृत शेयरहरू ७ प्रतिशतभन्दा धेरैले उचालिएको छ।

रुसभर करिब १,२४० स्टोरहरूमा उपभोक्ता इलेक्ट्रोनिक्स र घरेलु उपकरणहरू बेच्ने एम.भिडियोले कोभिड १९ महामारीदेखि आफ्नो अनलाइन उपस्थिति गम्भीर रूपमा बढाइरहेको छ।

प्रोम्सभयाजबैंकसँग मिलेर, एम.भिडियो रूसमा अनलाइन बजारहरू विकास गर्न होडमा छ, जसमा विशेषज्ञ ई-कमर्स कम्पनीहरू जस्तै वाइल्डबेरीज र ओजोन, इन्टरनेट जायन्ट यान्डेक्स, र शक्तिशाली बैंकहरू, जस्तै प्रमुख ऋणदाता स्बेर्बैंक पनि सामेल छन्।