अमेरिकीहरूले आफ्नो फोनमा भन्दा बढी टिभीमा युट्युब हेर्छन्

काठमाडौं ।

भिडियो प्लेटफर्म युट्युबले यस वर्ष आफ्नो २० औं वार्षिकोत्सव मनाउँदै छ। यी दुई दशकहरूमा, युट्युबलाई प्रयोग गर्ने र मानिसहरूले यसलाई हेर्ने तरिका लगायत धेरै कुराहरू परिवर्तन भएका छन्।

युट्युबको एउटा नयाँ रिपोर्टले अमेरिकी बजारमा टिभीमा युट्युब हेर्ने मानिसहरूको संख्याले आफ्नो फोनमा युट्युब हेर्नेहरूको संख्यालाई उछिनेको देखाएको छ र जसले लोकप्रिय प्लेटफर्ममा कन्टेन्ट हेर्नको लागि टिभीलाई प्राथमिक डिभाइसा बनाएको छ।

स्मार्टफोनहरूको ठूलो लोकप्रियताको बावजुद, ठूला स्क्रिनहरू र रिमोट कन्ट्रोलहरू भएका टेलिभिजनहरूको सान्दर्भिकता जारी रहेको उल्लेख गरिएको छ।

युट्युबले डिभाइसहरूको महत्त्व निर्धारण गर्न वाच टाइमको विश्लेषण गरेको बताइएको छ। बजार अनुसन्धान कम्पनी निल्सेनले दशकौंदेखि टिभी हेर्ने बानीको बारेमा रिपोर्ट गर्दै आएको छ र अब यसले विगत दुई वर्षमा स्ट्रिमिङ कन्टेन्ट हेर्ने समयको सन्दर्भमा युट्युब सबैभन्दा धेरै हेरिएको सेवा भएको फेला पारेको छ।

युट्युबले ‘वाच विथ’ नामक नयाँ फिचरमा काम गरिरहेको घोषणा गरेको छ। यो टुलले कन्टेन्ट क्रियटर्सहरूलाई लाइभ कमेन्ट गर्न र कुनै पनि खेल वा इभेन्टमा फिडब्याक (प्रतिक्रिया) प्रदान गर्न अनुमति दिनेछ।

त्यसैगरी युट्युबले यस नयाँ टुललाई एनएफएल सँग परीक्षण गर्न थालेको र यो वर्ष पछि यसलाई अन्य कन्टेन्टमा विस्तार गर्ने योजना बनाएको टेलीग्राफले उल्लेख गरेको छ।