भारतमा निजी टेल्कोले शुल्क बढाएपछि सरकारी बीएसएनएललाई लाभ, २५ लाख नयाँ प्रयोगकर्ता थपिए

काठमाडौं ।

भारतीय सरकारी टेलिकम अपरेटर भारत संचार निगम लिमिटेड (बीएसएनएल) फोरजी नेटवर्कमा स्विच गर्ने बाटोमा छ। सरकारको स्वामित्वमा रहेको दूरसंचार सञ्चालकले विगत केही वर्षदेखि प्रतिस्पर्धासँग लडिरहेको छ।

अब, जतिबेला अन्य निजी सेवा प्रदायकहरु जियो, एयरटेल र भीआई (भोडाफोन आइडिया) ले आफ्नो शुल्क बढाएका छन, त्यसपछि बीएसएनएलले नयाँ ग्राहकहरू पाउन थालेको छ। यस्तो देखिन्छ कि अन्य टेलिकम अपरेटरहरूद्वारा योजना मूल्य वृद्धि बीएसएनएलको पक्षमा जाँदैछ।

एक रिपोर्टमा भनिएकोअनुसार, जुलाई ३ र जुलाई ४ मा निजी कम्पनीहरूले ११ देखि २५ प्रतिशतले शुल्क बढाएको कारणले बीएसएनएलले ठूलो संख्यामा नयाँ ग्राहकहरू प्राप्त गरिरहेको छ।

बीएसएनएलले पछिल्ला केही हप्ताहरूमा ठूलो संख्यामा नयाँ ग्राहकहरू प्राप्त गरेको ईटीको रिपोर्टले दावी गरेको छ। यसको पछाडि जिओ, एयरटेल र भोडाफोन आइडियाले हालै गरेको ट्यारिफ वृद्धि भएको हुनसक्छ, किनकि रेट वृद्धि भएपछि भारतमा मानिसहरूले सामाजिक सञ्जालमा यसको आलोचना गर्न थाले र ‘बाईकट जियो’ र ‘बीएसएनएलकी घर वापसी’ जस्ता ह्यासट्यागहरू ट्रेन्डिङ गर्न थाले।

करिब २ लाख ५० हजार मानिसहरूले ट्यारिफ वृद्धि पछि मोबाइल नम्बर पोर्टेबिलिटी (एमएनपी) प्रयोग गरेर बीएसएनएलमा स्विच गरेका रिपोर्टहरूले भनेको छ।

बीएसएनएलले पनि लगभग २.५ मिलियन नयाँ कनेक्सनहरू पाएको छ किनभने तिनीहरूको ट्यारिफहरू अझै पनि कम आय भएका प्रयोगकर्ताहरूका लागि किफायती छन्। पक्कै पनि महसुल वृद्धि यसको पछाडि सबैभन्दा ठूलो कारण हुन सक्छ।

रिपोर्टकाअनुसार, बीएसएनएल हाल द्रुत गतिमा ४जी रोलआउट तर्फ अघि बढिरहेको छ र सरकारले यसलाई चाँडै ५जीमा स्विच गराउने योजना बनाएको छ।