एसईईको नतिजा स्पारो एसएमएस मार्फत हेर्न सकिने

काठमाडौं ।

नेपालको अग्रणी एसएमएस सेवा प्रदायक स्पारो एसएमएसले नेशनल परीक्षा बोर्ड (एनईबी) संगको निरन्तर सहकार्यमा यस बर्ष पनि एसईईको नतिजा एसएमएस मार्फत प्रस्तुत गर्ने भएको छ।

यस सहकार्यले २०८०-२०८१ को माध्यमिक शिक्षा परीक्षा (एसईई) का नतिजा सिधै विद्यार्थीहरूको मोबाइलमा पुर्याउनेछ।

यस साझेदारीले एसईई परीक्षाको नतिजा छिटो, भरपर्दो, र सुविधाजनक पहुँच प्रदान गर्न लक्ष्य राखेको छ, जसले गर्दा विद्यार्थीहरू र उनका परिवारले महत्त्वपूर्ण जानकारी बिना ढिलाइ प्राप्त गर्न सक्ने बताईएको छ।

एसएमएसमा आधारित नतिजा हेर्ने प्रविधिले विद्यार्थी र उनीहरूका अभिभावकहरूका लागि परीक्षा केन्द्रहरू जानुपर्ने वा जटिल अनलाइन पोर्टलहरू हेर्न आवश्यकतालाई हटाएर प्रक्रियालाई सरल स्पारो एसएमएसले बनाएको जनाएको छ।