ताजा समाचार

निद्राको कमी पत्ता लगाउन वैज्ञानिकहरूले विकास गरे नयाँ रगत परीक्षण

निद्राको कमी पत्ता लगाउन वैज्ञानिकहरूले विकास गरे नयाँ रगत परीक्षण
सांकेतिक तस्विर
Global IME Bank

वैज्ञानिकहरूको टोलीले एक रगत परीक्षणको विकास गरेको छ जसले कुनैपनि मानिस २४ घण्टासम्म सुतेको छैन भनेर पत्ता लगाउन सक्छ।

अष्ट्रेलियाको मोनाश विश्वविद्यालय र बेलायतको बर्मिङ्घम विश्वविद्यालयका विज्ञहरूका अनुसार निद्राको कमीले गम्भीर रोग वा मृत्युको जोखिम पनि बढाउन सक्छ।

साइन्स एडभान्सेस जर्नलमा प्रकाशित अध्ययनका अनुसार बायोमार्कर टेस्टले मानिस २४ घण्टासम्म जागा थियो कि थिएन भनेर पत्ता लगाउन सक्छ।

“यो वैज्ञानिकहरूको लागि साँच्चै रोमाञ्चक खोज हो, र अपर्याप्त निद्रासँग सम्बन्धित स्वास्थ्य व्यवस्थापनमा खेल परिवर्तन हुन सक्छ,” बेलायतको बर्मिंघम विश्वविद्यालयका निद्रा र सर्काडियन विज्ञानका प्राध्यापक क्लेयर एन्डरसनले भने।

विश्वमा हुने सडक दुर्घटनामध्ये करिब २० प्रतिशत निद्राको कमीका कारण हुने गरेको छ। अनुसन्धानकर्ताहरूले आशा गर्छन् कि यो खोजले निद्राबाट वञ्चित ड्राइभरहरूलाई अझ सजिलै पहिचान गर्न सकिनेछ जसले भविष्यमा यो समस्यालाई सजिलैसँग उपचार गर्न सकियोस्।

“पाँच घण्टा भन्दा कम सुत्नु असुरक्षित ड्राइभिङसँग सम्बन्धित छ भन्ने बलियो प्रमाण छ, तर २४ घण्टा जागा भएर सवारी चलाउनु रक्सी पिएर सवारी चलाउनुभन्दा पनि खतरनाक हुन्छ,” एन्डरसनले भने।

यस परीक्षणको भविष्यमा फोरेन्सिक टेस्टका लागि पनि प्रयोग हुन सक्छ तर थप प्रमाणीकरण आवश्यक छ।

यो निद्रा अभाव बायोमार्कर परीक्षण २४ घण्टा वा सो भन्दा बढि नसुतेकोमा जागा रहेकोमा आधारित छ, तर १८ घण्टासम्म जागा भएको पनि पत्ता लगाउन सक्छ।

Sajilo Visa
easy care