काठमाडौं ।
अमेरिकी कन्स्पिरेसी थ्यौरिष्ट एलेक्स जोन्सको एक्स अकाउन्ट पुनस्थापित भएको छ। एक्सका मालिक इलन मस्कले प्लेटफर्मका गरेको प्रयोगकर्ताहरुको सर्वेक्षण पछि अमेरिकी कन्स्पिरेसी थ्यौरिष्ट एलेक्स जोन्सको आकाउन्ट प्रतिबन्धमा परेको करिब ५ वर्ष पछि पुनर्स्थापित भएको हो।
जोन्स अकाउन्ट पुनस्थापित गर्ने कि नगर्ने भन्नेमा शनिबार एक सर्वेक्षणको जवाफमा पोस्ट गरे, ‘मानिसहरूले बोलेका छन् र यो हुनेछ। पोल बन्द हुँदा करिब २० लाख भोट खसेको छ। जसमा जोन्सको फिर्ताको पक्षमा ७० प्रतिशत मतदान भएको छ।’
मस्कले प्लेटफर्म अधिग्रहण गरेदेखि, यसले पूर्व अमेरिकी राष्ट्रपति डोनाल्ड ट्रम्पका अकाउन्ट सहित पहिले निलम्बित अकाउन्टहरू पुनस्थापित गरेको छ।
@RealAlexJones प्रयोकर्ता नामको एलेक्स जोन्स अकाउन्ट ६ सेप्टेम्बर २०१८ बाट अन्तिम पोस्ट देखाउँछ।
पहिले ट्विटर भनेर चिनिने प्लेटफर्मले २०१८ मा जोन्स र उनको वेबसाइट इन्फोवार्सलाई आउन्टहरूले यसको व्यवहार नीतिहरू उल्लंघन गरेको भनेर स्थायी रूपमा प्रतिबन्ध लगाएको थियो।
यो प्रतिबन्ध एप्पल यूट्युब र फेसबुकले कम्युनिटी स्ट्यान्डर्डलाई उद्धृत गर्दै जोन्सका पोडकास्ट र च्यानलहरू हटाएको हप्ता पछि ट्विटरले प्रतिबन्ध लगाएको थियो।
अमेरिकाको स्यान्डी हुक स्कूलमा भएको गोलीकाण्डमा २० बालबालिका र ६ जना वयस्कको मृत्यु भएको थियो। त्यसलाई झूटो भएको बारम्बार दाबी गरेपछि इन्फो वार्स होस्ट जोन्सलाई १.४४ अर्ब डलर क्षतिपूर्ति तिर्न बाध्य पारिएको छ।
प्रकाशित: २५ मंसिर २०८०, सोमबार
