अमेरिकी चिप विकासकर्ता माइक्रोन टेक्नोलोजीले चिनियाँ चिपमेकरसँग साझेदारी गर्न खाेज्दै

काठमाडौं ।

प्रमुख अमेरिकी चिप विकासकर्ता माइक्रोन टेक्नोलोजीले चिनियाँ चिपमेकरहरूसँग साझेदारी गर्न खाेजिरहेकाे छ।

शुक्रबार चीनको सम्बन्धित मन्त्रालयको वेबसाइटमा प्रकाशित स्टेटमेन्टकाअनुसार नोभेम्बर १ मा भएको बैठकमा चिनियाँ वाणिज्य मन्त्री वाङ वेन्ताओले माइक्रोन टेक्नोलोजीका अध्यक्ष र सीईओ सञ्जय मेहरोत्रालाई अमेरिकी सेमीकन्डक्टर कम्पनीलाई बेइजिङले चिनियाँ बजारमा आफ्नो पदचिह्न बढाउने कार्यमा स्वागत गर्ने बताएका हुन्।

उनले चीनले विदेशी लगानीका लागि वातावरण अनुकूल बनाउने र विदेशी उद्यमहरूलाई सेवाको ग्यारेन्टी दिने बताएका छन्। साथै  यसले संसारका शीर्ष दुई अर्थतन्त्रहरू बीचको सम्बन्धमा थप निकटता बढ्ने पनि उनले बताए।

“हामी माइक्रोन टेक्नोलोजीलाई चिनियाँ बजारमा जरा गाड्न र चिनियाँ कानून र नियमहरूको पालना गर्ने आधारमा राम्रो विकास हासिल गर्न स्वागत गर्दछौं,” वाङले थपे।

चीनको साइबरस्पेस नियामकले माइक्रोन नेटवर्क सुरक्षा समीक्षामा असफल भएको र प्रमुख पूर्वाधारका चिनियाँ अपरेटरहरूलाई सबैभन्दा ठूलो अमेरिकी मेमोरी चिपमेकरबाट खरिद गर्न प्रतिबन्ध लगाएको केही महिनापछि यो विषय आएको हो।

माइक्रोन विरुद्ध चीनको कदमलाई प्रमुख प्रविधिमा बेइजिङको पहुँचलाई प्रतिबन्ध लगाउने वाशिङ्टनको प्रयासको बदलाको रूपमा व्यापकरूपमा हेरिएको थियो। जी-सेभेन समूहले चीनबाट “जोखिम हटाउने होइन, विच्छेदन” गर्ने सहमति गरेको एक दिन पछि आएकाे हाे। त्यस्तै वाशिंगटनले आफ्ना सहयोगीहरूलाई चीनमा चिप उपकरण निर्यातमा प्रतिबन्ध लगाउन यसमा सामेल हुन दबाब दिएको पनि बताइएको छ।

वाङ र मेहरोत्रा ​​बीचको गत बुधबारको बैठक वाशिंगटन र बेइजिङ बीचको तनावमा सँगसँगै भएको हो। दुवै देशका अधिकारीहरूले यस महिनाको अन्त्यमा अमेरिकी राष्ट्रपति जो बाइडेन र उनका चिनियाँ समकक्षी सी जिनपिङबीच एशिया-प्रशान्त आर्थिक सम्मेलनमा बैठक आयोजना गर्न काम गरिरहेका गिज्माेचाइनामा उल्लेख छ।