काठमाडौं ।
भारतको सरकारी स्वामित्वको दूरसञ्चार कम्पनी भारत संचार निगम लिमिटेड (बीएसएनएल) को चौथो पुस्ताको (फोरजी) नेटवर्क छिट्टै सुरु हुने भएको छ। यसका लागि, केन्द्र सरकारको मन्त्री समूह (जीओएम) ले टाटा कन्सल्टेन्सी सर्भिस (टीसीएस) नेतृत्वको कन्सोर्टियम, (जसमा ठूला आईटी कम्पनीहरू समावेश छन्,) लाई एक लाख साइटहरूको लागि उपकरण आपूर्ति गर्ने प्रस्तावलाई अनुमोदन गरेको छ।
गत महिना, भारतीय दूरसंचार मन्त्री अश्विनी वैष्णवले बताएअनुसार खुलासा बीएसएनएलले फिल्ड ट्रायलको भागको रूपमा २०० टावरहरू स्थापना गर्न थालेको छ। उनले अबको केही महिनाभित्र फोरजीका लागि थप छिटो टावर जडान गर्ने योजना रहेको बताएका थिए।
कम्पनीका अध्यक्ष पी के पुरवारले एक समाचार वेबसाइटलाई भने, “जीओएमले एक लाख साइटहरूको लागि नेटवर्क उपकरण खरिद गर्न स्वीकृति दिएको छ। कम्पनीले केही दिनमा खरिद आदेश जारी गर्ने सम्भावना छ।” टाटा समूहको कम्पनी टीसीएसले यी साइटहरूको लागि ४जी उपकरण आपूर्ति गर्नेछ। यो अर्डर लगभग २४,५०० करोड भारतीय रुपैयाँको छ। जसमा करिब भारु १३,००० करोडको नेटवर्क उपकरणको खरिद समावेश भएको रिपोर्टमा उल्लेख छ।
बीएसएनएलद्वारा प्रयोग गरिएको ४जी उपकरणलाई सफ्टवेयर अपग्रेड मार्फत छिटो फाइभजीमा ल्याउन सकिने बताईएको छ। गत महिना, टाटा समूहको अर्को कम्पनी तेजस नेटवर्कले बीएसएनएलबाट ६९६ करोड भारुको अर्डर प्राप्त गरेको थियो। यो आदेश बीएसएनएलको देशव्यापी आईपी-एमपीएलएस आधारित एक्सेस र एग्रीगेशन नेटवर्क अपग्रेड गर्नको लागि हो।
तेजस नेटवर्क्सले ७५ भन्दा बढी देशहरूमा ग्राहकहरूसँग दूरसंचार सेवा प्रदायकहरूका लागि ताररहित नेटवर्किङ उत्पादनहरू डिजाइन र निर्माण गर्दछ। दूरसञ्चार क्षेत्र बाहेक, तेजस नेटवर्कले रक्षा सम्बन्धित कम्पनीहरूसँग पनि व्यापार गर्दछ। बीएसएनएलबाट भएको सम्झौता अन्तर्गत, तेजस नेटवर्क्सलेले यसको ‘टीजे १४००’ शृङ्खलाका १३ हजार भन्दा बढी राउटरहरू नेक्स्ट जेनेरेशन एक्सेस र एग्रीगेशन राउटरहरू आपूर्ति र स्थापना गर्नेछ।
भारतको केन्द्र सरकारले बीएसएनएलको लागि ६०० मेगाहर्ज, ३३०० मेगाहर्जका साथै २६ गीगाहर्ज ब्यान्डमा स्पेक्ट्रम आरक्षित गरेको छ, जुन फाइभजी सेवाहरू प्रदान गर्न प्रयोग गरिनेछ।
प्रकाशित: २९ बैशाख २०८०, शुक्रबार
