काठमाडौं ।
टर्कीको नियामकले टिकटकलाई १.७५ मिलियन लिरा जरिवाना गरेको छ। प्रयोगकर्ताहरूलाई उनीहरूको डाटाको गैरकानूनी प्रशोधनबाट जोगाउन पर्याप्त उपायहरू लागू नगरेको भनेर टिकलाई जरिवाना गरेको व्यक्तिगत डेटा संरक्षण बोर्ड (केभीकेके) ले बुधबार भनेको रोयटर्सले उल्लेख गरेको छ।
यो जरिवाना चिनियाँ शर्ट भिडियो–सेयरि एप र यसको प्रयोगकर्ता डाटा एसेस गर्ने विषयमा बढ्दो अन्तर्राष्ट्रिय चिन्ताको बीच आएको हो। युरोप र क्यानडाका सरकारी संस्थाहरूले कर्मचारीको फोनबाट एपलाई प्रतिबन्ध लगाएका छन् र अमेरिकाले राष्ट्रपति जो बिडेनलाई टिकटकलाई प्रतिबन्ध लगाउने अधिकार दिने विधेयकको विषयमा छलफल गरिरहेको छ।
केभीकेकेले ‘व्यक्तिगत डाटाको गैरकानूनी प्रशोधन रोक्नको लागि उचित स्तरको सुरक्षा सुनिश्चित गर्न आवश्यक सबै उपायहरू लागु नगरेकाले कम्पनीलाई जरिवाना गर्ने निर्णय गरेको छ।’
डाटा सुरक्षा प्राधिकरणले आफ्नो वेबसाइटमा एक विज्ञप्तिमा यो पनि भन्यो कि टिकटकले आफ्नो सेवाका सर्तहरू टर्किसमा अनुवाद गर्नुपर्छ र देशको नियमहरू अनुरूप आफ्नो गोपनीयता र कुकीज नीति पेजहरु अपडेट गर्नुपर्छ।
स्टेटिस्टाको तथ्यांक अनुसार ३० मिलियन प्रयोगकर्ताका साथ टर्की टिकटकको विश्वमा नवौं सबैभन्दा धेरै प्रयोगकर्ताहरू भएको मुलुक हो।
प्रकाशित: १८ फाल्गुन २०७९, बिहीबार
