महिन्द्राले १५ अगस्टमा ५ नयाँ इलेक्ट्रिक एसयूभीहरू अनावरण गर्दै

काठमाडौं ।

महिन्द्राले विद्युतीय सवारीसाधनको क्षेत्रमा नयाँ सुरुवात गर्न लागेको छ। टिजर भिडियो मार्फत, कम्पनीले यो १५ अगस्तमा ५ नयाँ इलेक्ट्रिक एसयूभीहरू अनावरण गर्ने पुष्टि गरेको छ।

भर्खरको टिजरमा, कम्पनीले बोर्न इलेक्ट्रिक दायरामा ५ इलेक्ट्रिक एसयूभीहरू प्रस्तुत गर्ने बताएको छ। यी सबै बेलायतमा अनावरण गरिने भारतीय मिडियाहरुले रिपोर्ट गरेका छन्। अर्थात् कम्पनी विश्व बजारलाई ध्यानमा राखेर अगाडि बढिरहेको छ।

महिन्द्राले यसलाई वर्ल्ड प्रिमियर भनेको छ। कम्पनीले कूप एसयूभी, कम्प्याक्ट एसयूभी र मिड साइज एसयूभी सहित ५ फरक स्टाइलिङ इलेक्ट्रिक एसयूभी उपलब्ध गराउने विश्वास गरिएको छ। विद्युतीय सवारीसाधन बजारमा प्रतिस्पर्धा बढाउने उद्देश्यले आउँदै गरेको महिन्द्राले यसअघि पनि धेरै टिजर सार्वजनिक गरेको थियो।

५ मोडलमध्ये ४ ग्राउन्डअप विद्युतीय सवारी साधन हुनेछन् । जबकि एउटा मोडल एक्सयूभी४०० (XUV400) हुने अपेक्षा गरिएको छ, जुन २०२२ को अन्त्यमा लन्च हुने छ।

कम्पनीले नयाँ कूप एसयूभी पनि प्रदर्शन गरेको छ जसलाई महिन्द्रा एक्सयूभी ९०० इलेक्ट्रिक एसयूभी कूप भनिन्छ। कम्पनीले विद्युतीय मध्यम आकारको एसयूभी पनि प्रदर्शन गर्न सक्छ, जुन एक्सयूभी७०० को आकारमा हुनेछ।

यसअघि नै महिन्द्राले आफ्नो नयाँ ईभी सहायक कम्पनी स्थापना गर्ने घोषणा गरिसकेको छ। कम्पनीले ब्रिटिश इन्टरनेशनल इन्भेष्टमेन्टबाट पनि १,९२५ करोड भारतीय रुपैयाँको लगानी प्राप्त गरेको छ।