काठमाडौं ।
एपिक गेम्स र द लेगो ग्रुपले संयुक्तरुपमा एउटा नयाँ, परिवार-मैत्री भर्चुअल संसार निर्माण गर्दैछ।
कम्पनीहरूले अझै धेरै विवरणहरू खुलाएका छैनन्, यद्यपि तिनीहरूले “बालबालिका र परिवारहरूको लागि सुरक्षित र रमाइलो बनाउन मेटाभर्सको भविष्यलाई आकार दिने” योजना बनाएको इन्ग्याजेटले जनाएको छ।
सबै उमेरका मानिसहरूको आनन्द लिनको लागि तिनीहरूले “इमर्सिभ, सृजनात्मक रूपमा प्रेरणादायी र आकर्षक डिजिटल अनुभव निर्माण” गर्ने तीन सिद्धान्तहरूमा सहमति जनाएका छन्।
तिनीहरूले सुरक्षा र कल्याणलाई प्राथमिकता दिएर बालबालिकाको खेल्ने अधिकारको रक्षा गर्ने बताएका छन भने बालबालिकाको सर्वोत्तम चासोलाई प्राथमिकता दिएर उनीहरूको गोपनीयताको सुरक्षा गर्नेछन्।
यसका साथै सो मेटाभर्समा बालबालिका र वयस्कहरूलाई तिनीहरूको डिजिटल अनुभवमा नियन्त्रण गर्ने उपकरणहरूद्वारा सशक्त बनाउनेछन्।
एपिक र लेगोले भर्चुअल संसारको उनीहरूको सामूहिक व्यवसाय सुबिधा कहिले आउँछ भनेर टाइमलाइन घोषणा गरेन।
प्रकाशित: २५ चैत्र २०७८, शुक्रबार
