काठमाडौं ।
यामाहाले नाडा अटो शो २०२६ मा नयाँ भेरियन्टहरू सार्वजनिक गरेको छ।नेपालमा यामाहाको बढ्दो रेन्जमा नयाँ विकल्पहरू थप्दै यसपटक एरोक्स १५५ एस, फेसिनो एस र डिस्क, तथा आर १५ एस का नयाँ भेरियन्टहरू सार्वजनिक भएका हुन्।
कम्पनीका अनुसार यामाहा एरोक्स १५५ एस विशेष गरी पर्फर्मेन्स र डायनामिक राइडिङ अनुभव मन पराउने राइडरहरूका लागि तयार पारिएको छ। यसको स्पोर्टी डिजाइन, १५५ सीसीको इन्जिन र कि-लेस फिचरले स्कुटरमै मोटर साइकल चलाएको जस्तो अनुभव गराउँछ।
कि–लेस फिचरको मद्दतले चाबी विना नै इन्जिन सुरु गर्न सकिन्छ। पर्फर्मेन्स र स्पोर्टी राइडको मज्जा लिँदै व्यावहारिक स्कुटर खोज्नेहरूका लागि यो उत्कृष्ट छ रोजाइ बनेको छ।
स्टाइललाई प्राथमिकता दिनेहरूका लागि यामाहाले नयाँ फेसिनो एस हाइब्रिड र फेसिनो डिस्क हाइब्रिड भेरियन्टहरू ल्याएको छ।
आर १५ एस र आर १५ एम भेरियन्टहरूले यामाहाको लोकप्रिय ‘आर सिरिज’ लाई अझ परिमार्जन गरेर प्रस्तुत गरेको छ। ‘नयाँ आर इन्स्टिंक्ट’ अवधारणामा आधारित यी मोडलहरूबाट उत्कृष्ट रोड प्रेजेन्स र रोमाञ्चक राइडिङ अनुभव खोज्ने स्पोर्टी मोटरसाइकलप्रेमीहरूले विशेष अपेक्षा राखेका छन्।
एमएडब्लु ग्रुपका अध्यक्ष विष्णु कुमार अग्रवालले भने, ‘नेपालको बढ्दो राइडर समुदायसँग जोडिनका लागि नाडा हामी एउटा महत्त्वपूर्ण मञ्च हो। यामाहाका यी नयाँ भेरियन्टहरू मार्फत हामी पर्फर्मेन्स, प्रविधिदेखि स्टाइल र व्यक्तित्वसम्मका विभिन्न आवश्यकताहरू पूरा गर्ने उत्पादनहरू ल्याउँदैछौं। हामीलाई विश्वास छ यी नयाँ मोडलहरूले राइडिङप्रेमीहरूमाझ ठूलो उत्साह जगाउनेछन्।’
त्यस्तै एमएडब्लु राइड्स प्रालिका कार्यकारी निर्देशक तथा सीईओ दीपक कुमार अग्रवालले भने, ‘नेपाली राइडरहरूको बदलिँदो रुचिअनुसारका उत्पादनहरू ल्याउनुमा यामाहा सधैँ केन्द्रित रहँदै आएको छ।
नयाँ एरोक्स १५५ एस, फेसिनो हाइब्रिड भेरियन्टहरू र आर १५ एसले यामाहाका विभिन्न विशेषताहरू झल्काउँछन् र यी मोडलहरू नाडामा सार्वजनिक गर्न पाउँदा हामी उत्साहित छौं। यी नयाँ भेरियन्टहरूले के कस्ता विशेषताहरू लिएर आएका छन् भन्ने कुरा आगन्तुकहरूले नजिकबाट अवलोकन गर्न पाउनुहुनेछ भन्ने हामीले अपेक्षा गरेका छौं।’
प्रकाशित: ९ भाद्र २०८३, मंगलवार
