काठमाडौं ।
अनरले प्ले११ प्लस र प्ले१० चुपचाप लन्च गर्दै चीनमा आफ्नो प्ले सिरिज विस्तार गरेको छ। दुवै स्मार्टफोनहरू ७,०००एमएएच ब्याट्रीहरू र ५० मेगापिक्सेल मुख्य रियर क्यामराहरूसँग आउँछन्।
अनर प्ले११ प्लसः
प्ले११ प्लसमाट मिडियाटेक डाइमेन्सिटी ६५०० एलिट चिपसेटद्वारा संचालित छ। ह्यान्डसेटमा १.५के रिजोल्युसन, ६,५०० निट्स सम्मको पीक ब्राइटनेस र १२०हर्जको रिफ्रेस रेट प्रदान गर्ने ६.६ इन्चको एएमओएलईडी डिस्प्ले रहेको छ।
डिभाइसमा ४५वाट द्रुत चार्जिङको लागि समर्थन भएको ७,०००एमएएच ब्याट्री समावेश गरिएको छ। फोनमा सिङ्गल–क्लिक एआई बटन पनि रहेको र एन्ड्रोइड १६–आधारित म्याजिकओएस १० रहेको छ।
क्यामराहरूतर्फ, प्ले११ प्लसमा एक्सिलरी लेन्ससँग पेयर्ड गरिएको ५० मेगापिक्सेलको मुख्य रियर क्यामरा रहेको छ। साथै डिभाइसमा सेल्फीको लागि अगाडि ८ मेगापिक्सेलको क्यामरा छ।
अनर प्ले११ प्लसको अन्य सुविधाहरूमा आईपी६६ रेटिङ, ५जी समर्थन, डुअल–ब्यान्ड वाई–फाई, ब्लुटुथ ६.०, जीपीएस, एनएफसी र इन्फ्रारेड ब्लास्टर समावेश छन्। फोनमा यूएसबी टाइप–सी पोर्ट र इन–डिस्प्ले फिङ्गरप्रिन्ट स्क्यानर पनि रहेको छ।
अनर प्ले१०ः
प्ले१० मा ४५वाट वायर्ड चार्जिङ समर्थन गर्ने ७,०००एमएएच ब्याट्री र सिङ्गल ५० मेगापिक्सेल रियर क्यामरा रहेको छ। यो स्मार्टफोन स्न्यापड्रागन ६एस जेन ३ चिपसेटले सुसज्जित छ।
प्ले१० फोन १२०हर्ज रिफ्रेस रेट र फुल–एचडीप्लस रिजोल्युसन प्रदान गर्ने ६.८ इन्चको एलसीडी डिस्प्ले रहेको छ। फोनले एन्ड्रोइड १५–आधारित म्याजिकओएस९ रन गर्दछ।
५० मेगापिक्सेल रियर क्यामरा बाहेक, फोनमा सेल्फी र भिडियो कलिङको लागि ५ मेगापिक्सेलको फ्रन्ट फेसिङ क्यामरा पनि छ।
अनर प्ले१० मा आईपी६५ रेटिङ, ५जी समर्थन र साइड माउन्टेड फिङ्गरप्रिन्ट स्क्यानर रहेका छन्। त्यसैगरी फोनमा एनएफसी, जीपीएस, ब्लुटुथ ५.१, र डुअल–ब्यान्ड वाइफाइ कनेक्टिभिटी पनि समावेश छन्। त्यसैगरी फोनमा एक–ट्याप एआई की पनि रहेको छ।
एकल ८जीबी/२५६जीबी विकल्पमा उपलब्ध अनर प्ले११ प्लसको मूल्य २,१९९ चिनियाँ युआन (३२५ अमेरिकी डलर) कायम गरिएको छ। यो फोन लान्यु सिल्भर र सनराइज गोल्ड रङ्ग विकल्पहरूमा बिक्री उपलब्ध हुनेछ।
त्यसैगरी, अनर प्ले१० को ८जीबी/१२८जीबीको मूल्य १,३९९ चिनियाँ युआन (२०५ अमेरिकी डलर), ८जीबी/२५६जीबीको मूल्य १,५९९ चिनियाँ युआन (२३५ अमेरिकी डलर) र १२जीबी/२५६जीबी भेरियन्टको मूल्य १,८९९ चिनियाँ युआन (२८० अमेरिकी डलर) छ। यो डेजर्ट गोल्ड र भेलभेट ब्ल्याक रङ्गहरूमा उपलब्ध हुनेछ।
अनर प्ले११ प्लस र अनर प्ले१० हाल चीनमा आधिकारिक अनर अनलाइन स्टोर मार्फत खरिदका लागि उपलब्ध भएको जीएसएमएरिनाले रिपोर्ट गरेको छ।
प्रकाशित: २६ जेष्ठ २०८३, मंगलवार
