काठमाडौं ।
स्मार्टफोन प्रयोगकर्ताहरूमाझ फोन चार्ज गर्ने विषय सबैभन्दा बढी चर्चामा रहेको विषय हो। साथै ब्याट्रीहरूको बारेमा रहेका धेरै सामान्य धारणाहरू पनि गलत सावित हुने गरेका छन्।
आधुनिक फोनहरूमा ब्याट्री १०० प्रतिशत पुगेपछि स्वतः चार्ज हुन बन्द गर्ने प्रणालीहरू हुने भएकाले रातभर डिभाइस चार्ज गरेर छोड्न सुरक्षित हुने प्रविधि विज्ञहरूले बताएका छन्। एकपटक ब्याट्री पूर्ण रूपमा चार्ज भएपछि चार्जिङ प्रक्रिया रोकिने र ब्याट्रीको स्तर थोरै घटेपछि मात्र चार्जिङ प्रक्रिया पुनः सुरु हुने टेलिग्राफले रिपोर्ट गरेको छ।
ब्याट्री रिचार्ज गर्नु अघि त्यसलाई पूर्ण रूपमा डिस्चार्ज गर्नुपर्दछ भन्ने एउटा सामान्य भ्रम रहँदै आएको छ।
विशेषज्ञहरूले यो अभ्यासले ब्याट्रीको आयुलाई हानि पुर्याउन सक्छ भन्ने कुरा औंल्याउँदै उनीहरूले ब्याट्रीको उपयुक्त चार्ज स्तर सामान्यतया २० देखि ८० प्रतिशतको बीचमा राख्न सिफारिस गरेका छन्।
साथै, चार्ज गर्दा फोन प्रयोग गर्नु ब्याट्रीको लागि हानिकारक नहुने तर यो कार्यले प्रयोगको तीव्रतामा निर्भर गर्दै चार्जिङ समय बढाउन सक्नेछन् ।
त्यसैगरी विज्ञहरूले वाई–फाईले ठूलो मात्रामा ऊर्जा खपत गर्छ भन्ने विचारलाई पनि खण्डन गरेका छन् र ब्याट्रीमा यसको प्रभाव न्यूनतम हुने बताएका छन्।
सामान्यतया, विशेषज्ञहरूले फोन चार्ज गर्ने धेरैजसो ज्ञात “नियमहरू” मिथक हुन् भन्ने कुरामा जोड दिएका छन्। साथै आधुनिक डिभाइसहरू दैनिक जीवनमा सुरक्षित र कुशल प्रयोगको लागि डिजाइन गरिएको.उल्लेख गरिएको छ।
प्रकाशित: ११ जेष्ठ २०८३, सोमबार
