काठमाडौं ।
माइक्रोसफ्टले विन्डोज ११ मा केही पुराना सुविधाहरू फिर्ता ल्याउने भएको छ जसले २०२१ देखि अपरेटिङ सिस्टमलाई अलग पहिचान दिँँदै आएको थियो।
विन्डोज ११ को पहिलो संस्करणहरूमा गरिएका प्रमुख परिवर्तनहरूको बारेमा प्रयोगकर्ताहरूबाट आएको धेरै आलोचनाहरू र गुनासो पछि कम्पनीले बिस्तारै केही परिचित फङ्गसनहरू र इन्टरफेस इलिमेण्टहरू पुनस्र्थापित गर्न थालेको टेलिग्राफले रिपोर्ट छ।
सबैभन्दा धेरै टिप्पणी गरिएका इलिमेण्टहरू मध्ये एक भनेको नयाँ राइट–क्लिक मेनु (“कन्टेक्स्ट मेनु”) भएको र त्यसले “शो मोर अप्सन्स” कमाण्ड अन्तर्गत धेरै क्लासिक अप्सनहरू लुकाउने गरेको थियो।
माइक्रोसफ्टले केही थप परम्परागत सुविधाहरू फिर्ता ल्याउन गइरहेको र इन्टरफेसलाई विन्डोजको अघिल्लो संस्करणहरूमा प्रयोगकर्ताहरूले अनुभव गरेको भन्दा नजिक बनाउने रिपोर्टहरूमा उल्लेख गरिएको छ। यी सुविधाहरूमा प्रयोगकर्ताहरूले बढी व्यावहारिक मानेका क्लासिक अप्सन्स (विकल्पहरू) मा फास्टर एक्सेस (छिटो पहुँच) र सिस्टम मेनुहरूमा सुधारहरू समावेश छन्।
२०२१ मा विन्डोज ११ मा भएका पहिलो परिवर्तनहरूले केन्द्रीकृत स्टार्ट मेनु, पुनः डिजाइन गरिएका आइकनहरू र थप आधुनिक इन्टरफेसको साथ पूर्ण रूपमा नयाँ डिजाइन ल्याएको तर केही प्रयोगकर्ताहरूले लचिलोपनको अभाव र विन्डोज १० बाट परिचित सुविधाहरू हटाएको भनेर आलोचना गरेका थिए।
अनलाइन समुदाय र प्रविधि फोरमहरूमा धेरै प्रयोगकर्ताहरूले केही परिवर्तनहरूलाई दैनिक प्रयोगको लागि कम व्यावहारिक भनेर वर्णन गर्दै क्लासिक अप्सन्स (विकल्पहरू) फिर्ता गर्न आह्वान गरेका थिए।
प्रकाशित: ८ जेष्ठ २०८३, शुक्रबार
