काठमाडौं ।
रेडमीले चीनमा आर७० र आर७०एम लन्च गरेको छ। यी दुवै फोन मूलतः एउटै भए तापनि तिनीहरुमा रहेको एउटा मुख्य भिन्नता भनेको ब्याट्री क्षमता रहेको छ।
आर७० मोडेलमा ७२०×१६०० रिजोल्युसन, १२०हर्ज रिफ्रेस रेट, २४०हर्ज टच स्याम्पलिङ रेट र ८००–निट पीक ब्राइटनेस सहितको ६.९ इन्चको एलसीडी स्क्रिन रहेको छ। फोनमा युनिसोक टी८३०० एसओसीको साथमा एलपीडीडीआर४एक्स र्याम र यूएफएस २.२ स्टोरेज समावेश गरिएको छ।
आर७० मा १३ मेगापिक्सेलको रियर क्यामरा र ८ मेगापिक्सेलको फ्रन्ट क्यामरा रहेको छ। साथै फोनमा १५वाट वायर्ड र ७.५वाट रिभर्स वायर्ड चार्जिङको लागि समर्थन भएको ६,००० एमएएच ब्याट्री छ।
अर्कोतर्फ आर७०एम मोडेलमा समान चार्जिङ स्पेक्सको साथ ६,३०० एमएएच ब्याट्री छ। फोनको अन्य बाँकी सबै स्पेसिफिकेशनहरु भने आर७० को जस्तै समान छन्।
रेडमी आर७० मोडेल ४/१२८जीबी, ६/१२८जीबी, ६/२५६जीबी र ८/२५६जीबी गरी चारओटा र्याम/स्टोरेज संस्करणहरूमा उपलब्ध हुनेछ। आर७० को मूल्य १,५९९ चिनियाँ युआन वा लगभग २३४ अमेरिकी डलर कायम गरिएको छ।
आर७०एम मोडेल पनि ६/१२८जीबी, ६/२५६जीबी, ८/२५६जीबी र १२/२५६जीबी गरी चारओटा र्याम/स्टोरेज कम्बोहरूमा उपलब्ध हुनेछ। आर७०एमको मूल्य १,७९९ चिनियाँ युआन वा लगभग २६३ अमेरिकी डलर कायम गरिएको छ।
दुवै मोडेलहरू कालो, सेतो, नीलो र बैजनी रङ्गमा आउँछन्। यी ह्यान्डसेटहरू चीन बाहिर कहिले बिक्री गरिनेछन् भन्ने बारेमा कुनै जानकारी उपलब्ध नभएको जीएसएमएरिनाले रिपोर्ट गरेको छ।
प्रकाशित: ३ बैशाख २०८३, बिहीबार
