काठमाडौं ।
एप्पलले आगामी आईफोन १८ प्रो र आईफोन १८ प्रो म्याक्सको डिजाइनमा ट्रेडमार्क डायनामिक आइल्याण्ड नचभन्दा फरक लुक र बडी मटेरियलमा समायोजन समावेश हुन सक्ने हालैका लीकहरुले उल्लेख गरेको छ।
सानो डायनामिक आइल्याण्डको बारेमा सुझाव दिइएको यो पहिलो पटक होइन र अहिले परीक्षण भइरहेको हुनाले समयमै दुई डिजाइनहरू मध्ये एकको स्वीकृति हुने पछिल्लो रिपोर्टले बताएको छ।
डिजिटल च्याट स्टेशनले एप्पलको डिजाइनमा सामसङको टिप्पणी पछि डिजाइनमा परिवर्तन हुन सक्ने भविष्यवाणी गरेको टेलिग्राफले रिपोर्ट गरेको छ।
एप्पलको ‘सानो आइल्याण्ड’ डिजाइनको बारेमा सामसङको प्रारम्भिक टिप्पणीले गर्दा आईफोन १८ प्रो सिरिजमा पनि सानो आइल्याण्ड हुने सम्भावना बढाएको लीकरले वेइबोमा उल्लेख गरेको छ।
“हालको आपूर्ति श्रृंखला प्रतिक्रियाले ए-बी परीक्षणलाई संकेत गर्दछः एउटा स्क्रिनको आकार अपरिवर्तित रहने र अर्कोमा फेस आईडी आरएक्स क्षेत्र मुनि सानो आइल्याण्ड रहेको” लीकरले थप उल्लेख गरेको छ।
त्यसैले डाइनामिक आइल्याण्ड आईफोन १७ प्रोमा भएको जस्तै हुनेछ वा यो या त स्रिङ्क हुनेछ र स्क्रिन मुनि फेस आईडी सेन्सर लुकेको हुनेछ।
“पछिल्लो पोस्टमा, लीकरले आईफोन १८ प्रोको पछाडिको डिजाइनलाई पनि सम्बोधन गरेको” म्याकरूमर्सले टिप्पणी गरेको छ।
“आईफोन १७ प्रोसँग प्रस्तुत गरिएको आयताकार प्लेटो डिजाइन अपरिवर्तित रहने, तर पछाडि ‘ बडी मटेरियलमा र डिजाइन विवरणहरूमा सानो समायोजन’ देखिने” लीकरले थप उल्लेख गरेको बताइएको छ।
“यो सम्भवतः युनिबडी एल्युमिनियम फ्रेम र तार रहित चार्जिङको लागि ग्लास कटआउट बीचको थप एकरूप लुक प्राप्त गर्ने उद्देश्यले पहिले अफवाह गरिएका परिवर्तनहरूको सन्दर्भ हो” भनि रिपोर्टले उल्लेख गरेको छ।
प्रकाशित: १ बैशाख २०८३, मंगलवार
