काठमाडौं ।
आईफोन फोल्डको बारेमा वर्षौंदेखि अफवाहहरू चलिरहेका छन् र एप्पलले आगामी सेप्टेम्बरमा आईफोन १८ प्रो सिरिजसँगै आफ्नो पहिलो नन्–स्ल्याब फोन प्रस्तुत गर्ने अपेक्षा गरिएको छ। सोनी डिक्सनले अब उक्त आगामी तीनओटा डिभाइसहरुलाई आकारको हिसाबले तुलना गर्न सकिने केस मोल्ड तस्बिरहरू साझा गरेको छ।
फोल्डमा पहिले अफवाह गरिए जस्तै एक विशिष्ट वाइड (चौडा) डिजाइन छ। आईफोन फोल्डको पछाडि देखिएको डुअल क्यामरा सेटअपमा आईफोन एयरको जस्तै क्यामरा प्लेटाउ भित्र राखिएको दुईओटा ४८ मेगापिक्सेलको सेन्सरहरू (वाइड र अल्ट्रावाइड) समावेश हुने अपेक्षा गरिएको छ। नयाँ तस्बिरहरूमा सटीक आयामहरूको बारेमा उल्लेख नगरिएको तर फोल्ड दुई प्रो मोडेलहरू भन्दा धेरै सानो भएको देख्न सकिने जीएसएमएरिनाले रिपोर्ट गरेको छ।
फोल्डको कभर डिस्प्ले ५.५–इन्चको दायरामा मापन गर्ने अफवाह गरिएको छ भने इन्टर्नल प्यानल पूर्ण रूपमा खोल्दा ७.७६ इन्चको हुने अपेक्षा गरिएको छ। साथै दुबै प्यानलहरू अहिलेसम्म देखिएका अन्य फोल्डेबलहरू भन्दा फराकिलो हुनेछन् र डिभाइसले साइड–बाई–साइड एपहरूको साथ आईप्याडले जस्तो यूआई चलाउने रिपोर्ट गरिएको छ।
त्यसैगरी एप्पलको उत्पादन साझेदार फक्सकनले चीनमा आईफोन फोल्डको परीक्षण उत्पादन सुरु गरेको रिपोर्ट गरिएको छ। तर निक्केई एशियाको नयाँ रिपोर्टले एप्पलले इन्जिनियरिङ परीक्षण चरणको क्रममा अवरोधहरूको सामना गरेको हुनाले आईफोन फोल्ड आउनमा महिनौं ढिलो हुन सक्ने सुझाव दिएको छ।
धेरै प्रमुख कम्पोनेन्ट आपूर्तिकर्ताहरूलाई फोल्डको लागि कम्पोनेन्ट उत्पादन अनिश्चित कालको लागि पछाडि धकेल्न सकिने सम्भावनाको बारेमा सूचित गरिएको छ। यदि एप्पलले यो महिना आफ्नो समस्याहरू समाधान गर्न असफल भएको खण्डमा भने फोल्डको लन्च धेरै महिना पर सर्न सक्ने उल्लेख गरिएको छ।
प्रकाशित: २७ चैत्र २०८२, शुक्रबार
