काठमाडौं ।
गुगलले क्रोम वेब ब्राउजरमा क्रोम एक्सटेन्सन “सेभ इमेज एज” डिजेबल अर्थात् काम नगर्ने बनाएको छ।
क्रोमले “सेभ इमेज एज टाइप” मा मालवेयर रहेको पत्ता लगाएको र प्रयोगकर्ताहरूलाई एक्सटेन्सन डिजेबल गरिएको भनेर नोटिफिकेसन दिइएको छ।
एक्सटेन्सनलाई क्रोम वेब स्टोरबाट पनि हटाइएको टेलिग्राफले रिपोर्ट गरेको छ।
“सेभ इमेज एज” नामक सरल र लोकप्रिय टुलले क्रोम प्रयोगकर्ताहरूलाई वेबमा कुनै पनि तस्बिरमा दायाँ–क्लिक गरेर तुरुन्तै पीएनजी, जेपीजी वा वेबपी फाइलको रूपमा सेभ गर्ने कि नगर्ने भनेर छनौट गर्न अनुमति दिने गरेको थियो।
क्रोम “सेभ इमेज एज” एक्सटेन्सन कुन प्रकारको खराब गतिविधिमा संलग्न थियो भन्ने कुरा हाल स्पष्ट छैन।
रेडिटमा विगत केही दिनदेखि एड–अनसँग सम्बन्धित समस्याहरूको बारेमा छलफल गर्ने धेरै थ्रेडहरू पप अप भएको एन्ड्रोइड अथोरिटीले उल्लेख गरेको छ।
“सेभ इमेज एज टाइप” का प्रयोगकर्ताहरूले एड–अनद्वारा आफ्नो कुनै पनि संवेदनशील डाटा चोरी हुने बारे चिन्ता गर्नु नपर्ने उल्लेख गरिएको छ।
एड–अनको कोड रिभ्यू (समीक्षा) गर्ने रेडिट प्रयोगकर्ताहरूका अनुसार सेभ इमेज एज टाइपले आफ्ना प्रयोगकर्ताहरूबाट कमिसन चोर्नको लागि अमेजन र बेस्ट बाइ जस्ता साइटहरूसँग सम्बद्ध कोडहरू प्रतिस्थापन गरिरहेको जस्तो देखिएको छ।
“मैले एक्सटेन्सनले स्टोर गरिरहेको डाटा फ्याँकें र त्यसले पहुँच गरिरहेको पृष्ठहरू फेला पारेँ,” एडमकनवेआईईले भने।
“यसले ५७८ भन्दा बढी पृष्ठहरू प्रयोग गर्न तयार भएको कर्मानाउ प्रयोग गरिरहेको थियो। यसले त्यो लुकेको आईफ्रेममा सम्बद्ध कोडको साथ एउटा पृष्ठ लोड गर्नेछ र त्यसले तपाईंको ब्राउजरमा अवस्थित एउटालाई प्रतिस्थापन गर्नेछ” उनले थप उल्लेख गरे।
माइक्रोसफ्ट एज ब्राउजरमा सोही एड–अन एक वर्ष भन्दा बढी पहिले रेडिटमा समान व्यवहारको लागि फ्ल्याग गरिएको थियो।
एक्सडीए डेभलपर्सका अनुसार गुगलले पहिले क्रोम वेब स्टोरमा सूचीबद्ध गरेको भए तापनि क्रोम एक्सटेन्सनमा त्यति नै लामो समयदेखि समस्या रहेको डकुमेण्ट गरिएको देखिएको उल्लेख गरिएको छ।
हटाइएको क्रोम एक्सटेन्सनको लागि एउटा अभिलेख गरिएको पृष्ठले “सेभ इमेज एज टाइप” मा दस लाख भन्दा बढी प्रयोगकर्ताहरू रहेको देखाउँछ।
यो एड–अनले १,७०० भन्दा बढी रिभ्यू (समीक्षा)हरू पनि प्राप्त गरेको र फाइभ स्टारमा ४.२ स्टारहरूको रेटिङ प्राप्त गरेको थियो।
यदि समस्या समाधान भएको खण्डमा भने गुगलले यो लोकप्रिय क्रोम एक्सटेन्सनलाई क्रोम वेब स्टोरमा फिर्ता गर्नेछ कि छैन भनेर हेर्नका लागि पर्खनु पर्नेछ।
प्रकाशित: ५ चैत्र २०८२, बिहीबार
