काठमाडौं ।
बीएमडब्ल्यूले २०२५ मा नाफामा गिरावट आएको घोषणा गरेको छ र उक्त गिरावट कोभिड–१९ महामारी पछिको सबैभन्दा कम स्तरमा पुगेको उल्लेख गरिएको छ।
कम्पनीको सञ्चालन नाफा ११.५ प्रतिशतले घटेर १०.२ अर्ब युरोमा झरेको र खुद नाफा लगभग ७.५ अर्ब यूरोमा झरेको छ।
कम्पनीका अनुसार यो गिरावट मुख्यतया व्यापार शुल्क र बीएमडब्ल्यूको सबैभन्दा ठूलो बजार चीनमा बिक्री घटेको कारणले गर्दा भएको टेलिग्राफले रिपोर्ट गरेको छ।
जर्मन निर्माताले विश्वव्यापी रूपमा लगभग २.४६ मिलियन सवारी साधनहरू डेलिभर गर्न सफल भएको र अघिल्लो वर्षको तुलनामा थोरै वृद्धि भएको उल्लेख गरिएको छ। विशेष गरी युरोप र संयुक्त राज्य अमेरिकामा बिक्री बढेको रिपोर्ट गरिएको छ।
कम्पनीका सीईओ ओलिभर जिप्सेले वर्तमान चुनौतीहरूको बावजुद बीएमडब्ल्यूको दीर्घकालीन रणनीति अपरिवर्तित रहने बताएका छन्।
प्रकाशित: २ चैत्र २०८२, सोमबार
