काठमाडौं ।
जनवरीको सुरुआतमा आगामी सामसङ ग्यालेक्सी एम१७ई गुगल प्ले कन्सोलको सपोर्टेड डिभाइसेस्को सूचीमा देखा परेको थियो। सामसङंले अब ग्यालेक्सी एम१७ई को स्पेसिफिकेशन र लन्च मितिको आधिकारिक रूपमा पुष्टि गरेको छ।
ग्यालेक्सी एम१७ई मार्च १७ मा भारतमा लन्च हुँदैछ भने अमेजन मार्फत बिक्री गरिने छ। फोनमा १२० हर्ज रिफ्रेस रेट भएको ६.७ इन्चको एचडी+ स्क्रिन, मिडियाटेक डाइमेन्सिटी ६३०० एसओसी र ६,००० एमएएच ब्याट्री समावेश गरिने जीएसएमएरिनाले रिपोर्ट गरेको छ।
फोनले एन्ड्रोइड १६ मा आधारित वान यूआई ८.० चलाउनेछ र ६ प्रमुख एन्ड्रोइड अपडेटहरू र ६ वर्षको सुरक्षा अपडेटहरू प्राप्त गर्नेछ। डिभाइसमा ५० मेगापिक्सेलको रियर क्यामरा, २ मेगापिक्सेलको डेप्थ सेन्सर र ८ मेगापिक्सेलको सेल्फी क्यामरा रहने छ। यी सबै स्पेसिफिकेशनहरू डिभाइसको लागि अमेजनको टिजर माइक्रोसाइटद्वारा आधिकारिक रूपमा पुष्टि गरिएको हो। साथै ती सबै स्पेसिफिकेशनहरू ग्यालेक्सी ए०७ सँग पूर्ण रूपमा मेल खाएको हुनाले एम१७ई ए०७ को जुम्ल्याहा हुने अफवाह गरिएको छ।
एम१७ई मा डस्ट एण्ड स्प्ल्यास प्रतिरोधको लागि आईपी५४ रेटिङ रहेका छ भने यो ब्लिट्ज ब्लू र भाइब भाइब रङ्गहरूमा उपलब्ध हुनेछ। डिभाइसलाई १४,००० भारतीय रुपैयाँ भन्दा कमको सबैभन्दा स्मूथ फोनको रूपमा बिल गरिएको हुनाले फोनको मूल्य स्पष्ट रूपमा त्यो भन्दा कम – सम्भवतः १३,९९९ भारतीय रुपैयाँ हुनेछ।
प्रकाशित: २७ फाल्गुन २०८२, बुधबार
