काठमाडौं ।
भिभोको फ्ल्यागशिप एक्स–सिरिजमा एक्स३०० एफइ नामक नयाँ सदस्य थप गरिएको छ। यो डिभाइसले एफई उपनाम प्रयोग गर्दछ र एफईको खर्थ फ्यान एडिसन वा सायद फेसन एडिसन हुन सक्ने उल्लेख गरिएको छ। भिभो एक्स३०० एफईले परिचित स्पेक्सहरूको सेट प्रस्तुत गरेको छ र अब रूसमा कम्पनीको आधिकारिक साइटमा सूचीबद्ध गरिएको छ।
एक्स३०० एफई एउटा सानो भिन्नता सहित चीन–विशेष भिभो एस५० प्रो मिनीको रिब्याज गरिएको संस्करण हो। डिभाइसमा प्रो मिनीको ब्लुटुथ ५.४ स्पेकको सट्टा ब्लुटुथ ६.० कनेक्टिभिटी समावेश गरिएको छ भने अन्य बाँकी हार्डवेयर दुई डिभाइस बीच समान रहेको जीएसएमएरिनाले रिपोर्ट गरेको छ।
भिभो एक्स३०० एफईमा क्वालकमको स्न्यापड्रागन ८ जेन ५ (नन्–एलिट) सँगसँगै १२जीबी एलपीडीडीआर५एक्स अल्ट्रा र्याम र २५६/५१२जीबी यूएफएस ४.१ स्टोरेज समावेश गरिएको छ। डिभाइसमा कम्प्याक्ट ६.३१–इन्चको एलटीपीओ एएमओएलईडी (एफएचडी+ १–१२०हर्ज) डिस्प्ले रहेको छ। पछाडिको भागमा ५० मेगापिक्सेलको मुख्य शूटर (आईएमएक्स९२१), ३× अप्टिकल जुम भएको ५० मेगापिक्सेलको टेलिफोटो (आईएमएक्स८८२) र ८ मेगापिक्सेलको अल्ट्रावाइड लेन्स भएको ट्रेन्डी क्यामरा भाइजर उपलब्ध गराइएको छ।
यो फोन आईपी६८/आईपी६९ रेट गरिएको छ भने ५ वर्षको ओएस अपडेटका र ७ वर्षको सुरक्षा प्याचको साथ एन्ड्रोइड १६ मा आधारित ओरिजिनओएस ६ बुट गर्दछ। डिभाइसमा ९०वाट वायर्ड र ४०वाट वायरलेस चार्जिङको साथ ६,५०० एमएएच सिलिकन–कार्बन ब्याट्री समावेश गरिएको छ।
भिभो एक्स३०० एफई मुनलाइट ह्वाइट, कूल पर्पल र ग्रेफाइट ब्ल्याक रङ्गहरूमा आउँछ। यो रूसमा भिभोको आधिकारिक अनलाइन स्टोरबाट बिक्रीको लागि उपलब्ध नङ्गए पनि १२/२५६जीबी ट्रिमको लागि ६०,१२४ रूसी रूबल (७७० अमेरिकी डलर) को आधार मूल्यको साथ तेस्रो–पक्ष खुद्रा विक्रेताहरू द्वारा सूचीबद्ध गरिएको फेला पारेको छ। निकट भविष्यमा एक्स३०० एफई थप बजारहरूमा आउने अपेक्षा गरिएको छ
प्रकाशित: २१ फाल्गुन २०८२, बिहीबार
