काठमाडौं ।
भारतीय दुई पाँग्रे इभी कम्पनी ओला इलेक्ट्रिकले मार्चको अन्त्यसम्ममा आफ्नो भौतिक खुद्रा बिक्री स्टोरको संख्या घटाएर लगभग ५५० मा झार्ने योजना बनाएको रिपोर्ट बाहिरिएको छ।
कम्पनीको बजार हिस्सा घट्दै गएको र सञ्चालन तनावसँग जुधिरहेको समयमा देशभरी रिटेल स्टोरको संख्या घटाईन लागेको स्रोतहरूलाई उदृत गर्दै इकोनोमिक टाइम्सले रिपोर्ट गरेको छ।
आन्तरिक स्रोतहरूका अनुसार, कम्पनीले धेरै शहरहरूमा आउटलेटहरू बन्द गरेको छ, केही स्थानहरूमा रहेका कर्मचारीहरूलाई जान भनिएको छ। यो कदम गत वर्ष भन्दा तीव्ररुपमा उल्टो गतिको संकेत गर्दछ, जब ओला इलेक्ट्रिकले देशभर लगभग ४,००० आउटलेटहरू बढाएको थियो।
आफ्नो पछिल्लो त्रैमासिक अपडेटमा, कम्पनीले “संरचनात्मक रिसेट” को भागको रूपमा नेटवर्कलाई पहिले नै ७०० स्टोरहरूमा घटाएको बताएको छ।
वाहन वेबसाइटका अनुसार, जनवरीमा विद्युतीय दुई पाङ्ग्रे सवारी साधनको बजार हिस्सा ६.३ प्रतिशतमा झरेको छ, जुन एक वर्ष अघिको लगभग २६ प्रतिशतबाट घटेको छ। फेब्रुअरीको पहिलो १८ दिनमा, कम्पनीले २,५७५ सवारी साधन बेचेको छ, जसले गर्दा बजार हिस्सा लगभग ४.२ प्रतिशत पुगेको छ।
प्रकाशित: १० फाल्गुन २०८२, आईतवार
