काठमाडौं ।
पाँचौं वान यूआई ८.५ बिटा भर्खरै फेब्रुअरीको एन्ड्रोइड सेक्युरिटी प्याच र बिक्सबीको अपडेट गरिएको संस्करणको साथ लाइभ भएको थियो। सामसङले अब आधिकारिक रूपमा अपग्रेड गरिएको बिक्सबीको विस्तृत विवरण प्रदान गरेको छ। उक्त अपग्रेड गरिएको बिक्सबीलाई कन्भर्सेसनल डिभाइस एजेन्ट भनिने छ।
आधिकारिक प्रेस विज्ञप्तिमार्फत सामसङले वान यूआई ८.५ मा बिक्सबीमा आउने नयाँ सुविधाहरूको विस्तृत विवरण प्रदान गरेको छ। साथै यो फेब्रुअरी २५ मा ग्यालेक्सी एस२६ सिरिजसँगै आधिकारिक रूपमा आउने अपेक्षा गरिएको जीएसएमएरिनाले रिपोर्ट गरेको छ।
सामसङका अनुसार नयाँ बिक्सबीले प्रयोगकर्ताहरूलाई प्राकृतिक भाषा प्रयोग गरेर डिभाइस सेटिङहरू नियन्त्रण र व्यवस्थापन गर्न अनुमति दिनेछ। उदाहरणका लागि, प्रयोगकर्ताले स्क्रिन हेर्दै स्क्रिन प्रयोग गरिरहेको अवस्थामा स्क्रिन बन्द नहोस् भनेर बिक्सबीमार्फत स्वचालित रूपमा “किप स्क्रिन अन” सेटिङ सक्षम गर्न सक्नेछन्।
अपडेट गरिएको बिक्सबीले रियल–टाइम वेब सर्चलाई पनि समर्थन गर्दछ र च्याटबटलाई प्रयोगकर्ताहरुको प्रश्नहरूको नवीनतम, अपडेट परिणामहरू प्रदान गर्न सक्षम बनाउँछ। यी परिणामहरू सिधै बिक्सबी इन्टरफेस भित्र प्रदर्शित हुनेछन्।
पछिल्लो वान यूआई ८.५ बिटा ५ चलाइरहेको अवस्थामा पनि प्रयोगकर्ताहरूले नयाँ बिक्सबी अनुभव प्रयोग गर्न सनेछन्। यो हाल जर्मनी, भारत, कोरिया, पोल्याण्ड, बेलायत र अमेरिका लगायत चुनिएका क्षेत्रहरूमा मात्र उपलब्ध भएको र पछि व्यापक रूपमा रोलआउट गरिने अपेक्षा गरिएको छ।
प्रकाशित: १० फाल्गुन २०८२, आईतवार
