काठमाडौं ।
सन् २०२५ मा ल्याटिन अमेरिका (एलएटीएएम) स्मार्टफोन बजारमा सामसङले प्रभुत्व जमाएको छ। एलएटीएएम स्मार्टफोन बजारमा सबैभन्दा धेरै बिक्री हुने १० ओटा डिभाइसहरू मध्ये ४ ओटा ग्यालेक्सी फोनहरू रहेका छन्।
पछिल्लो काउन्टरपोइन्ट रिसर्च रिपोर्ट अनुसार सामसङको ग्यालेक्सी ए०६ यो क्षेत्रमा सबैभन्दा धेरै बिक्री हुने स्मार्टफोनको रूपमा सूचीमा शीर्ष स्थानमा रहेको र गत वर्ष सो क्षेत्रमा सबै स्मार्टफोन बिक्रीको ७ प्रतिशत हिस्सा ओगटेको छ।
त्यसैगरी शीर्ष १० श्रेणीभित्र अन्य तीन ग्यालेक्सी स्मार्टफोनहरूमा सामसङको ग्यालेक्सी ए१६, ग्यालेक्सी ए१५ र ग्यालेक्सी ए५६ रहेको जीएसएमएरिनाले रिपोर्ट गरेको छ।
मोटोरोलाको मोटो जी१५ तेस्रो स्थानमा आउन सफल भएको छ। साथै शीर्ष दश भित्र मोटोको अन्य डिभाइसहरूमा छैटौं स्थानमा मोटो जी०५ र आठौं स्थानमा मोटो जी३५ रहेको छ। शाओमीको चौथो स्थानमा रेडमी १४सी, सातौं स्थानमा रेडमी ए५ र दशौं स्थानमा रेडमी नोट १४ ४जी गरी सबैभन्दा धेरै बिक्री हुने फोनहरू बनेका छन्।
सन् २०२५ मा शीर्ष दश सर्वाधिक बिक्री हुने फोनहरू मध्ये ८० प्रतिशत फोरजी डिभाइसहरू भएको प्रतिवेदनले खुलासा गरेको छ। एलएटीएएम बजारमा स्मार्टफोन खरीददारहरूले बजेट डिभाइसहरूको लागि प्राथमिकता प्रदर्शन गर्न जारी राखेका छन्, शीर्ष दश सूचीमा रहेका अधिकांश फोनहरूको औसत बिक्री मूल्य २०० अमेरिकी डलर भन्दा कम भएको रिपोर्ट गरिएको छ।
सन् २०२५ को लागि ब्राजिल, मेक्सिको, कोलम्बिया र अर्जेन्टिना यो क्षेत्रको चार ठूला बजारहरू बन्न सफल भएका छन्। सन् २०२६ मा विश्वव्यापी स्मार्टफोनको मूल्य बढ्ने अपेक्षा गरिएको छ र रिप्लेसमेण्ट साइकल (प्रतिस्थापन चक्र) विस्तार गर्ने सम्भावना रहेको छ भने एलएटीएएम सहित अधिकांश क्षेत्रहरूमा माग कम हुनेछ। एकै समयमा, यो परिवर्तनले क्षेत्रमा फाइभजी अपनाउने दरलाई तीव्र बनाउन सक्ने उल्लेख गरिएको छ।
फोटो सौजन्यः जीएसएमएरिना
प्रकाशित: ८ फाल्गुन २०८२, शुक्रबार
