काठमाडौं ।
रियलमीले यो हप्ता भारतमा रियलमी पी४ लाइट फोरजीको लन्चसँगै आफ्नो पी४ लाइनअप विस्तार गर्ने तयारीमा रहेको छ। गत वर्ष सेप्टेम्बरमा पी३ लाइट फोरजीको उत्तराधिकारीको रूपमा आउँदै गरेको नयाँ मोडेलले अन्य सुधारहरू सहित अपडेट डिजाइन प्रस्तुत गर्नेछ।
रियलमी पी४ लाइट फोरजी फेब्रुअरी २० मा ६,३०० एमएएच ब्याट्रीको साथ डेब्यू हुनेछ। डिभाइसले १५ वाट वायर्ड र ६ वाट रिभर्स वायर्ड चार्जिङ समर्थन प्रदान गर्ने जीएसएमएरिनाले रिपोर्ट गरेको छ।
रियलमीका अनुसार फोन अक्टा–कोर चिपसेटद्वारा संचालित हुनेछ। डिभाइसमा वाटरड्रप नोचको साथ ५६३ निट्स सम्मको अधिकतम ब्राइटनेस र ९० हर्जको ६.७४ इन्चको एलसीडी डिस्प्ले रहनेछ।
फोनमा १३ मेगापिक्सेलको प्राइमरी सेन्सर र पछाडि पल्स रिङ–लाइट एलईडी स्ट्रिपको साथ डुअल क्यामरा सेटअप हुनेछ।
पी४लाइट फोरजीको मोटाई ७.९४ एमएम र तौल २०१ ग्राम हुनेछ। डिभाइसले आईपी५४ रेटिङ र मिलिटरी–ग्रेड ड्रप प्रमाणीकरण पनि प्रदान गर्नेछ। यो फोन तीन रङ विकल्पहरूमा उपलब्ध हुनेछ।
डिभाइसले एन्ड्रोइड १५–आधारित रियलमी यूआईमा चल्नेछ भने एआई बूस्ट, एआई इरेजर, सर्कल टु सर्च र अन्य सहित धेरै एआई सुविधाहरू प्रदान गर्नेछ।
प्रकाशित: ७ फाल्गुन २०८२, बिहीबार
