काठमाडौं ।
एप्पलको आईप्याड प्रो लाइनअपले आगामी वर्षहरूको लागि अपडेट बिना नै रहन सक्ने चीनबाट नयाँ अफवाह बाहिरिएको छ। हालको एम५ पुस्ताको आईप्याड प्रो १३ र आईप्याड प्रो ११ ले यथा शीघ्र चाँडै कुनै पनि महत्त्वपूर्ण अपडेटहरू नपाउने लीकर इन्स्ट्यान्ट डिजिटलले बताएको छ। एप्पलले आफ्नो प्रो ट्याब्लेटहरूमा कुनै पनि प्रकारको परिवर्तन ल्याउनु अघि धेरै समय पर्खने गरेको हुनाले यो अफवाह अर्थपूर्ण छ।
आईप्याड प्रोले २०१८ मा प्रो ११ (२०१८) र प्रो १२.९ (२०१८) र त्यसपछि २०२४ मा एम४ पुस्ता मोडेलहरूको साथ आफ्नो पहिलो प्रमुख पुनः डिजाइन प्राप्त गरेको जीएसएमएरिनाले रिपोर्ट गरेको छ।
नयाँ अफवाहका अनुसार डिभाइसहरुले प्रमुख अपडेट नपाउनुमा धेरै कारकहरू भएको र त्यस मध्ये बढ्दो ओएलईडी प्यानल लागतका साथै सीमित बिक्री वृद्धि प्रमुख मुद्दाहरू भएको बताइएको छ।
पछिल्लो एम५ पुस्ताको आईप्याड प्रोहरूले अल्ट्रा रेटिना ट्यान्डम ओएलईडीहरू प्रयोग गर्दछन् र त्यसमा नियमित ओएलईडी प्यानलहरूमा फेला पर्ने एउटाको सट्टा दुई जैविक प्रकाश–उत्सर्जक तहहरू रहेका छन्। यो तरिकाले उच्च चमक उत्पादनको लागि अनुमति दिन्छ र प्यानलको आयु बढाउँछ भने लागत पनि उल्लेखनीय रूपमा बढाउने उल्लेख गरिएको छ।
त्यसका साथै, एप्पल प्रतिद्वन्द्वी सामसङ र ह्वावेको जस्तो अल्ट्रा–थिन (पातलो) डिस्प्ले बेजेलको लडाईमा सामेल नहुने बताइएको छ। आईप्याड प्रोले भने यो वर्ष वा २०२७ मा आफ्नो अर्को अपडेट पाउने अपेक्षा गरिएको छ र एम६ जेनेरेसन बाहिर आएपछि सम्भवतः चिप अपडेट हुने उल्लेख गरिएको छ।
प्रकाशित: ७ फाल्गुन २०८२, बिहीबार
