काठमाडौं ।
फक्सवागनले आईडीडट उपसर्ग भएका प्रसिद्ध मोडेल नामहरू प्रयोगले विद्युतीय मोडेलहरूसँगको भावनात्मक सम्बन्धलाई बलियो बनाउने बताएको छ।
पुनः डिजाइन गरिएको भीडब्ल्यू आईडीडट४ लाई आईडीडट टिगुआन भनिने भएको छ। केही समयदेखि नाम परिवर्तन गरिने भनेर फैलिरहेको हल्लाहरू बारे अब आईजी मेटल एम्डेन कामदार संघले सार्वजनिक रूपमा नाम परिवर्तनको पुष्टि गरेको टेलीग्राफले रिपोर्ट गरेको छ।
आईडीडट४ को पुनः डिजाइन आईडीडट टिगुआन यो वर्षको उत्तरार्धमा प्रस्तुत गरिनेछ। आईजी मेटल युनियनका अनुसार एम्डेन प्लान्टमा आईडीडट टिगुआनको उत्पादन २०३१ को अन्त्यसम्म जारी रहने उल्लेख गरिएको छ।
सुरुमा, आईडीडट४ केवल ज्विकाउमा रहेको फक्सवागन समूहको प्लान्टमा उत्पादन गरिएको थियो र एमईबी प्लेटफर्ममा विद्युतीय सवारी साधनहरूको उत्पादनको लागि पूर्ण रूपमा अनुकूलित गरिएको थियो। पछि, आईडीडट४ को लागि अतिरिक्त उत्पादन लाइन एम्डेनमा खोलिएको थियो भने त्यहाँ सुरुमा पासाट र आर्टेन जस्ता आन्तरिक दहन इन्जिन मोडेलहरूसँगै काम गरिएको थियो। त्यसबेलादेखि आर्टेन बन्द गरिएको छ भने पासाटलाई ब्रातिस्लाभामा स्थानान्तरण गरिएको छ।
यो कदमले एम्डेनमा विद्युतीय आईडीडट७ को उत्पादनको लागि ठाउँ सिर्जना गरेको थियो। साथै यो मोडेलको नाम आईडी पासाटमा परिवर्तन गरिने हल्ला रहे पनि भीडब्ल्यू वा आईजी मेटलले भने कुनै पुष्टि गरेका छैनन्।
भविष्यमा, आईडीडट टिगुआन केवल एम्डेनमा उत्पादन गरिनेछ। ज्विकाउमा आईडीडट४ को उत्पादन चरणबद्ध रूपमा बन्द गरिँदैछ र त्यो प्लान्टले आउडी क्यू४ ई–ट्रोन, कुप्रा बोर्न र भीडब्ल्यू आईडीडट३ उत्पादन गर्न जारी राख्नेछ।
अघिल्लो आईडीडट३ र आईडीडट४ मोडेलहरूले पूर्ण रूपमा हासिल नगरेको आईडीडट उपसर्गसँग परिचित नामहरू प्रयोग गर्नुको उद्देश्य विद्युतीय मोडेलहरूको भावनात्मक अपील बढाउनु र तिनीहरूलाई ब्रान्डको परम्परागत लाइनको नजिक ल्याउनु हो भनि फोक्सवागनले बताएको छ। साथै आईडीडट पोलोसँग यो अवधारणाको पहिलो पटक विचार गरिएको थियो।
प्रकाशित: १४ माघ २०८२, बुधबार
