काठमाडौं ।
एनभिडियाले २०२७ को सुरुवातमै साझेदारसँग रोबोट्याक्सी सेवा परीक्षण गर्ने योजना बनाएको खुलासा गरेको छ। यो योजनाले चिपमेकरको सेल्फ–ड्राइभिङ कारहरूको संसारमा प्रमुख खेलाडी बन्ने महत्वाकांक्षालाई जोड दिन्छ।
एक साझेदारसँग प्रस्ताव गरिने यो सेवामा “स्तर ४” सेल्फ–ड्राइभिङ कारहरू प्रयोग गरिनेछ र तिनीहरू प्रि–डिफाइण्ड (पूर्व–परिभाषित) क्षेत्रहरूमा मानव हस्तक्षेप बिना ड्राइभ गर्न सक्षम हुनेछन् भनि एनभिडियाका अधिकारीहरूले गत महिना सान फ्रान्सिस्कोमा भएको सेल्फ–ड्राइभिङ प्रदर्शनमा भने।
यो सेवा कहाँ सञ्चालन गर्ने र साझेदार को हुनेछ भनेर नाम दिनको लागि कम्पनीले अस्वीकार गरेको टेलिग्राफले रिपोर्ट गरेको छ।
“हामी सम्भवतः सीमित उपलब्धताबाट सुरु गर्नेछौं, तर हामी हाम्रो सन्तुलन खोज्न साझेदारसँग काम गर्नेछौं” एनभिडियाका अटोमोटिभका उपाध्यक्ष सिन्झाउ वूले कार्यक्रममा भने।
२०१५ देखि, एनभिडियाले ड्राइभ ब्रान्ड नाम अन्तर्गत कारहरूको लागि चिप्स र अन्य प्रविधिहरू प्रदान गर्दै आएको छ र यो कम्पनीको व्यवसायको सानो भाग बनेको छ।
अक्टोबरमा समाप्त भएको त्रैमासिकमा अटोमोटिभ र रोबोटिक्स चिप्सको बिक्री केवल ५९२ मिलियन अमेरिकी डलरको योगदान पुर्याएको थियो र यो एनभिडियाको कुल राजस्वको लगभग १ प्रतिशत हो। एनभिडियाले अक्टोबरमा उबरसँग रोबोट्याक्सी साझेदारीको घोषणा गरेको थियो।
चिप निर्माताले डिसेम्बरमा सेल्फ–ड्राइभिङ कारलाई शक्ति प्रदान गर्न सक्ने सफ्टवेयर विकास गरेको र २०२६ को अन्त्यमा आउने मर्सिडीज–बेन्ज मोडेलहरूले सान फ्रान्सिस्को जस्ता शहरहरूमा नेभिडेयाको प्रविधि प्रयोग गर्न सक्षम हुनेछन् भन्ने जानकारी दिएको थियो।
सेल्फ–ड्राइभिङ कारहरूको क्षेत्र एनभिडियाले एआई पूर्वाधार बाहिर वृद्धि देखाउन सक्ने प्रमुख क्षेत्रहरू मध्ये एक हो। सीईओ जेन्सेन हुआङले सेल्फ–ड्राइभिङ कारहरू सहित रोबोटिक्स आर्टिफिसियल इन्टेलिजेन्स पछि कम्पनीको दोस्रो सबैभन्दा ठूलो वृद्धि श्रेणी भएको बताएका छन्।
“हामी कल्पना गर्छौं कि एक दिन, सडकमा एक अर्ब कारहरू सबै स्वायत्त हुनेछन्” हुआङले सोमबार लस भेगासमा सीईएस सम्मेलनको लन्च इभेन्टमा भने।
सेल्फ–ड्राइभिङ कारहरूमा समावेश गरिने चिप्सको अतिरिक्त, एनभिडियाले अटोमोटिभ कम्पनीहरूलाई आफ्नो प्रसिद्ध एआई चिप्सका साथै सिमुलेशन सफ्टवेयर पनि बिक्री गर्दछ्। तिनीहरूले सेल्फ–ड्राइभिङ मोडेलहरूलाई तालिम दिन र प्रविधि विकास गर्न मद्दत गर्ने उल्लेख गरिएको छ।
निर्माताहरूले अनुसन्धान र विकास लागत बचत गर्न र सेल्फ–ड्राइभिङ सुविधाहरू छिटो बजारमा ल्याउन आफ्नो ड्राइभ एजीएक्स थोर अटोमोटिभ कम्प्युटर प्रयोग गर्न सक्ने एनभिडियाले बताएको छ भने प्रति चिपको लागत लगभग ३,५०० अमेरिकी डलर रहेको उल्लेख गरिएको छ।
कारले कति कडा गतिमा गति बढाउनुपर्छ भनेर निर्धारण गर्ने, विशिष्ट सवारी साधनहरूमा आफ्नो प्रविधि अनुकूलन गर्ने जस्तो कार्यको कार निर्माताहरूसँग कम्पनीले काम गर्ने एनभिडियाले बताएको छ।
प्रकाशित: २५ पुष २०८२, शुक्रबार
