काठमाडौं ।
क्वालकमले सेप्टेम्बरमा स्न्यापड्रागन एक्स२ एलिट र एक्स२ एलिट एक्स्ट्रिम पछि, विन्डोज अन आर्म ल्यापटपहरूको लागि अझ किफायती विकल्पको रुपमा स्न्यापड्रागन एक्स२ प्लस प्रस्तुत गरेको छ।
एक्स२ प्लस तेस्रो पुस्ताको ओरियन सीपीयू र ३एनएम प्रोसेसको साथ निर्मित ८० टीओपीएस एनपीयू सँग आउने टेलिग्राफले रिपोर्ट गरेको छ।
अधिकतम फ्रिक्वेन्सी ४गिगाहर्ज भएको एउटा १० कोर र ३४एमबी क्यास र अर्को उही अधिकतम फ्रिक्वेन्सी सहितको ६ कोर र २२ एमबी क्यास गरी चिपको दुई संस्करणहरू उपलब्ध भएको बताइएको छ।
दुबै चिपले एक्स२–४५ जीपीयू प्रयोग गरे पनि १०–कोर संस्करणमा १.७गिगाहर्ज रहेको छ भने ६–कोरमा ९००मेगाहर्ज रहेको छ।
क्वालकमले एलपीडीडीआर५एक्स र्र्याम, वाइ–फाइ ७, ब्लुटुथ ५.४, वैकल्पिक फाइभजी र १२८जीबी सम्म र्याम को लागि समर्थनको साथ ब्याट्री पावर र “मल्टि–डे ब्याट्री लाइफ” प्रयोग गर्दा पनि निर्बाध प्रदर्शनको प्रतिज्ञा गर्दछ।
स्न्यापड्रागन एक्स२ प्लसले एक्स प्लसको तुलनामा ३५ प्रतिशत सम्म छिटो सिंगल–कोर सीपीयू प्रदर्शन प्रदान गर्दछ भने ४३ प्रतिशत कम पावर खपत गर्दछ।
यो चिप भएको पहिलो ल्यापटपहरू जुन महिनाको अन्त्यसम्ममा बजारमा आउने अपेक्षा गरिएको छ।
प्रकाशित: २४ पुष २०८२, बिहीबार
