काठमाडौं ।
खाना डेलिभरी सेवा डोरड्यासले एआई–निर्मित तस्बिर प्रयोग गरी डेलिभरी भएको झुटो दावी गरेको आरोपमा एक चालकको खाता स्थायी रूपमा प्रतिबन्ध लगाएको पुष्टि गरेको छ। यस घटनाले सामाजिक सञ्जालमा व्यापक चर्चा पाएको थियो।
नेक्सस्टारको रिपोर्टअनुसार टेक्सासको अस्टिन निवासी बर्न होबार्ट ले एक्समा पोस्ट गर्दै आफूले यस्तो अनुभव गरेको बताएका थिए। उनले लेखेका छन्, “अचम्म लाग्दो छ। डोरड्यास चालकले अर्डर स्वीकार गरे, तुरुन्तै ‘डेलिभर भयो’ भनेर चिन्ह लगाए, र हाम्रो अगाडिको ढोकामा डोरड्यास अर्डर राखिएको जस्तो देखिने एआई–निर्मित तस्बिर (बायाँ) अपलोड गरे, जबकि वास्तविक अवस्था (दायाँ) बिल्कुल फरक थियो।”
टेकक्रञ्चका अनुसार उनको पोस्ट भाइरल हुन थालेपछि होबार्टले थप विवरण पनि सार्वजनिक गरेका थिए। उनले आफ्नो कथालाई “सजिलै नक्कली बनाउन सकिने” स्वीकार्दै भने, तर टिप्पणी खण्डमै अर्का एक व्यक्तिले पनि अस्टिनमै उही चालक डिस्प्ले नाम भएको व्यक्तिबाट आफूले पनि उस्तै अनुभव भोगेको बताएका थिए।
चालकले यो काम कसरी गर्यो भन्नेबारे होबार्टले अनुमान गर्दै, जेलब्रेक गरिएको फोनमा ह्याक गरिएको खाता प्रयोग गरिएको हुन सक्ने बताएका छन्। उनका अनुसार डोरड्यासको त्यस्तो सुविधाको दुरुपयोग गरिएको हुन सक्छ, जसले अघिल्ला डेलिभरीका क्रममा खिचिएका घरको ढोकाका तस्बिरहरू देखाउने गर्छ।
प्रकाशित: २२ पुष २०८२, मंगलवार
