काठमाडौं ।
पहिले नै आफ्नो १७, १७ प्रो, १७ प्रो म्याक्स र १७ अल्ट्रा लन्च गरिसकेको शाओमीले अब १७ परिवारमा पाँचौं सदस्य प्रस्तुत गर्ने भएको छ। प्रख्यात चिनियाँ लीकर डिजिटल च्याट स्टेशनका अनुसार कम्पनीले सिरिजाको नयाँ सदस्यमा काम गरिरहेको छ। यद्यपि उक्त डिभाइसमा गरिने “सानो पुनरावृत्ति” के हो भन्ने कुरा स्पष्ट नभएको उल्लेख गरिएको छ।
डिभाइसमा अल्ट्रा–न्यारो बेजेलको साथ ठूलो ६.८ इन्च देखि ६.९ इन्चको फ्ल्याट स्क्रिनको साथ परिवारको बाँकी सदस्य जस्तै स्न्यापड्रागन ८ एलिट जेन ५ एसओसी द्वारा संचालित हुनेछ। आगामी डिभाइसमा प्रो र अल्ट्राको जस्तै पेरिस्कोप टेलिफोटो क्यामरा पनि रहेको जीएसएमएरिनाले रिपोर्ट गरेको छ।
नयाँ डिभाइस हाल अर्को वर्षको पूर्वाद्र्धमा कुनै समयमा लन्च हुने तालिका रहेको छ। यद्यपि यो जानकारी सही हो वा होइन भन्ने बारे अहिले कुनै स्पष्टता उपलब्ध नभएको उल्लेख गरिएको छ। विशेष गरी यो नयाँ डिभाइसमा कुनै उत्कृष्ट स्पेसिफिकेशनहरू नदेखिएको शाओमीले आफ्नो फ्ल्यागशिप लाइनमा यति छिटो पुनरावृत्ति गर्ने आवश्यकता किन महसुस गर्दछ भनने प्रश्न उठेको छ। साथै आगामी दिनहरुमा थप अफवाहहरूले यो रहस्य स्पष्ट गर्ने आशा गरिएको छ।
प्रकाशित: १६ पुष २०८२, बुधबार
