मंसिरसम्म नेपाल भित्रिए १ अर्ब हाराहारीका राउटर, अघिल्लो महिनाको तुलनामा ३६ करोड रुपैयाँ बढी बाहिरियो

काठमाडौं ।

नेपालमा चालु आर्थिक वर्षको पाँचौँ महिना मंसिर मसान्तसम्म १ अर्ब हाराहारीको राउटर आयात भएको छ। भन्सार विभागले हालै सार्वजनिक गरेको आर्थिक वर्ष २०८२/८३ को यो अवधिसम्मको वैदेशिक व्यापारको तथ्याङ्क अनुसार ९५ करोड ७८ लाख ५० हजार रुपैयाँ बराबरको राउटर आयात भएको छ।

उक्त अवधिसम्म माथि उल्लिखित रकम बराबरको ३ लाख ८२ हजार ८२ थान राउटर आयात भएको विवरणमा उल्लेख छ।

कार्तिक महिनासम्ममा नेपालमा ५९ करोड ७६ लाख ५५ हजार रुपैयाँ बराबरको २ लाख ५६ हजार ५०७ थान राउटर आयात भएको थियो। कार्तिकबाट मंसिर मसान्तसम्म आउने क्रममा ३६ करोड १ लाख ९५ हजार रुपैयाँ बराबरको १ लाख २५ हजार ५७५ थान बढी आयात भएको पाइएको छ।

भन्सार विभागको तथ्याङ्क अनुसार यो अवधिमा पनि छिमेकी चीन र भारतसहित विश्वका जम्मा १२ मुलुकबाट राउटर आयात भएको छ।

यो अवधिमा सबैभन्दा बढी चीनबाट ९० करोड ६ लाख ६१ हजार रुपैयाँ बराबरको ३ लाख ६३ हजार ८७४ थान राउटर आयात भएको छ। यसैगरी भारतबाट ५ लाख ६१ हजार बराबरको ३९२ थान, मलेसियाबाट ४ लाख ९८ हजार बराबरको ५१ थान, कतारबाट २ हजार बराबरको ५ थान, अमेरिकाबाट २ लाख ७७ हजार बराबरको २ थान राउटर आयात भएको छ। यसैगरी भियतनामबाट ५ करोड १६ लाख ५० हजार बराबरको १७ हजार ३६० थान राउटर आएको छ।

यस्तो छ विवरण