काठमाडौं ।
ओप्पोले आधिकारिक अनबक्सिङ भिडियो सहितका टिजरहरूको श्रृंखला पछि चीनमा प्याड एयर५ लन्च गरेको छ।
ओप्पो प्याड एयर५ मा मिडियाटेक डाइमेन्सिटी ७३००–अल्ट्रा एसओसीको साथ माली–जी६१५ एमसी२ जीपीयू, एलपीडीडीआर५एक्स र्याम र युएफएस ३.१ स्टोरेज समावेश गरिएको छ। यो ट्याब्लेट वाईफाई र सेलुलर गरी दुई विकल्पमा उपलब्ध छ।
प्याड एयर५ मा २८००×१९८०–पिक्सेल रिजोल्युसन र १२० हर्जसम्मको रिफ्रेस रेट भएको १२.१ इन्चको एलसीडी डिस्प्ले छ। डिस्प्लेले ९०० निट्सको अधिकतम चमकलाई समर्थन गर्दछ।
ओप्पोले ट्याब्लेटमा ८ मेगापिक्सेल रियर क्यामरा र अर्को ८ मेगापिक्सेल फ्रन्ट–फेसिङ युनिट समावेश गरेको छ। दुबै क्यामराहरूले १०८०पी भिडियो रेकर्डिङलाई समर्थन गर्ने जीएसएमएरिनाले रिपोर्ट गरेको छ।
प्याड एयर५ मा ३३वाट फास्ट चार्जिङको समर्थन सहितको १०,०५०एमएएच ब्याट्री छ। ट्याब्लेटले कलरओएस १६ चलाउने र धेरै एआई सुविधाहरू प्रदान गर्दछ।
कनेक्टिभिटीको हिसाबले, ट्याब्लेटमा वाई–फाई ६, ब्लुटुथ, फाइभजी र यूएसबी टाइप–सी पोर्ट छ। ओप्पो प्याड एयर५ स्टारलाइट पाउडर र स्पेस ग्रे रङ्ग भेरियन्टहरूमा उपलब्ध छ। ट्याब्लेटको सफ्ट लाइट संस्करणको डिस्प्लेमा एन्टी–ग्लेयर कोटिङ्ग रहेको छ।
ओप्पो प्याड एयर५ को वाई–फाई भेरियन्ट ८जीबी/१२८जीबी मोडेलको मूल्य १,८९९ चिनियाँ युआन (२७० अमेरिकी डलर) रहेको छ। ट्याब्लेटको ८जीबी/२५६जीबी भेरियन्टको मूल्य २,१९९ चिनियाँ युआन (३१५ अमेरिकी डलर) र १२जीबी/२५६जीबी विकल्पको मूल्य २,४९९ चिनियाँ युआन (३५५ अमेरिकी डलर) कायम गरिएको छ। फाइभजी भेरियन्ट हाल २,३९९ चिनियाँ युआन (३४० अमेरिकी डलर) को मूल्य ट्यागको साथ ८जीबी/१२८जीबी विकल्पमा सूचीबद्ध गरिएको छ।
प्याड एयर५ को सफ्ट लाइट भेरियन्टको ८ जीबी/२५६ जीबी मोडेलको मूल्य २,३९९ चिनियाँ युआन (३४० अमेरिकी डलर) र १२ जीबी/२५६ जीबी मोडेलको मूल्य २,६९९ चिनियाँ युआन (३८५ अमेरिकी डलर) रहेको छ। यो ट्याब्लेट डिसेम्बर ३१ देखि चीनमा बिक्रीको लागि उपलब्ध हुनेछ।
प्रकाशित: ११ पुष २०८२, शुक्रबार
