काठमाडौं ।
चिनियाँ सरकारले कम्पनीहरूले चिनियाँ कानुन र नियमहरूको पालना हुने, साथै सबै पक्षका हितहरू सन्तुलनमा राख्ने समाधानमा पुग्नुपर्ने चाहना व्यक्त गरेको छ।
टिकटकको अमेरिकी सञ्चालन हस्तान्तरणबारे प्रश्न उठ्दा वाणिज्य मन्त्रालयका एक प्रवक्ताले बिहीबार यस्तो बताएका हुन्।
रोयटर्सका अनुसार टिकटकको चिनियाँ स्वामित्वमा रहेको कम्पनी बाइटडान्सले गत साता ओराकलसहितका लगानीकर्ताहरूको समूहलाई छोटो भिडियो एपको अमेरिकी सञ्चालन नियन्त्रण हस्तान्तरण गर्न बाध्यकारी सम्झौतामा हस्ताक्षर गरेको थियो।
यो कदम अमेरिकामा टिकटकमाथि सम्भावित प्रतिबन्ध टार्ने र वर्षौँदेखि कायम अनिश्चितताको अन्त्यतर्फको ठूलो प्रगति मानिएको छ।
“अमेरिकी पक्षले पनि चीनसँग एउटै दिशामा अघि बढोस्, आफ्ना सम्बन्धित प्रतिबद्धताहरू इमानदारीपूर्वक पूरा गरोस्, र अमेरिकी बजारमा चिनियाँ कम्पनीहरूको निरन्तर तथा स्थिर सञ्चालनका लागि निष्पक्ष, खुला, पारदर्शी र भेदभावरहित व्यावसायिक वातावरण उपलब्ध गराओस् भन्ने आशा गरिएको छ,” प्रवक्ता हे योङछ्येनले पत्रकार सम्मेलनमा बताएका छन्।
प्रकाशित: ११ पुष २०८२, शुक्रबार
