काठमाडौं ।
जेमिनी ३ फ्ल्याश एक छिटो र एकदमै स्मार्ट आर्टिफिसियल इन्टेलिजेन्स मोडेल हो।
जेमिनी ३ फ्ल्याशलाई केहि बुझ्न नसकिने, गाह्रो वा ज्ञान बाहिर थाहा नभएको विषयमा केहि सोधेको खण्डमा लगभग सधैं झूट बोलेर वा केहि बनावटी उत्तर दिने प्रयास गर्ने एक स्वतन्त्र परीक्षण समूहको मूल्याङ्कनले देखाएको छ।
एए–ओम्नीसाइन्स बेन्चमार्कमा “भ्रम दर” को परीक्षणहरूमा जेमिनी ३ फ्ल्याशले ९१ प्रतिशत हासिल गरेको छ। तसर्थ उत्तर सही नभए पनि जेमिनी ३ फ्ल्याशले जस्तो भए पनि उत्तर दिने गरेको र उक्त उत्तर प्रायः पूर्ण रूपमा बनावटी हुने गरेको टेलिग्राफले रिपोर्ट गरेको छ।
“उत्तरहरू आविष्कार गर्ने” यो प्रक्रिया टेक्स्ट जेनेरेसन मोडेलहरूसँग सम्बन्धित एक प्रसिद्ध समस्या भएको बताइएको छ। यी मोडेलहरूले कहिले रोकिने र “मलाई थाहा छैन” भन्नु पनि कहिले उत्तर दिने भनेर जान्नु जत्तिकै महत्त्वपूर्ण भएको बताइएको छ। परीक्षण अनुसार, जेमिनीले यो कार्य भने धेरै राम्रोसँग नगर्ने थप उल्लेख गरिएको छ।
यद्यपि, जेमिनी ३ फ्ल्याशको ९१ प्रतिशत उत्तरहरू गलत छन् भन्ने अर्थ नहुने उल्लेख गरिएको छ। यो तथ्याङ्कले वास्तविक उत्तर “मलाई थाहा छैन” भन्ने परिस्थितिहरूमा जेमिनी ३ फ्ल्याशले कति पटक केही÷कस्तो उत्तर बनाउँछ भनेर मात्र देखाएको उल्लेख गरिएको छ।
यद्यपि जेमिनी ३ फ्ल्यास धेरै शक्तिशाली हुनुका साथै सामान्य परीक्षणहरूमा राम्रो प्रदर्शन गर्न सक्ने बताइएको छ। यद्यपि, यो सावधानी अपनाउनु पर्ने बेलामा पनि धेरै आत्मविश्वासी हुने भएकोले गम्भीर प्रयोगहरूमा समस्या हुन सक्ने टेलिग्राफले रिपोर्ट गरेको छ।
प्रकाशित: १० पुष २०८२, बिहीबार
