आईप्याड मिनी ८ ले ए२० प्रो चिपको साथ प्रदर्शनमा सुधार ल्याउने अपेक्षा

काठमाडौं ।

एप्पलको आईप्याड मिनी सधैं सन्तुलन कायम गर्ने भएकाले चर्चामा रहने गरेको छ। साथै डिभाइसको पर्याप्त सानो आकारका कारण जहाँ पनि बोक्न सकिने र “वास्तविक” आईप्याड जस्तो महसुस गर्न पर्याप्त शक्तिशाली भएको उल्लेख गरिएको छ। आगामी आईप्याड मिनी ८ ले विशेष गरी रअः पर्फर्मेन्स (कच्चा प्रदर्शन) को सन्दर्भमा उक्त विचारलाई अपेक्षा भन्दा अगाडि बढाउन सक्ने उल्लेख गरिएको छ।

आन्तरिक आइओएस २६ निर्माणबाट निकालिएको विवरण अनुसार, एप्पलले पहिले नै अर्को पुस्ताको मिनी परीक्षण गरिरहेको छ। पहिलेका अफवाहहरूले ट्याब्लेट ए१७ प्रोको सट्टा अब सम्भवतः ए१९ प्रो मा सर्ने सुझाव दिएका थिए। साथै ए१९ प्रो चिपले आगामी आईफोन प्रो मोडेलहरूलाई शक्ति दिने अपेक्षा गरिएको छ। यो एक स्वस्थ अपग्रेडको साथ २०–३० प्रतिशत रेञ्जमा पर्फर्मेन्स (प्रदर्शन) वृद्धि भएको गीज्मोचाइनाले रिपोर्ट गरेको छ।

तर वेइबो टिपस्टर काङ्ग द्वारा साझा गरिएको नयाँ लीकले एप्पलले अझ उच्च लक्ष्य राख्न सक्ने संकेत गर्दछ। आईप्याड मिनी ८ अब ए२० प्रो समावेश गर्ने भनिएको छ। ए२० प्रो चिप आईफोन १८ लाइनअप र एप्पलको पहिलो फोल्डेबलको साथ डेब्यू हुने अपेक्षा गरिएको चिप हो। यदि यो अफवाह सही भएको खण्डमा भने यो ट्याब्लेट एप्पलको अर्को पुस्ताको २एनएम सिलिकन अपनाउने पहिलो आईप्याडहरू मध्ये एक मिनी बन्नेछ।

ए२० प्रो ले हालको ३एनएम चिप्सको तुलनामा लगभग १५ प्रतिशत उच्च प्रदर्शन र ३० प्रतिशतसम्म राम्रो पावर इफिसियन्सी दक्षता प्रदान गर्ने हल्ला छ। कम्प्याक्ट ट्याब्लेटको लागि यो चिपले उल्लेखनीय रूपमा छिटो एपहरू, बलियो गेमिङ पर्फर्मेन्स र सुधारिएको ब्याट्री जीवनमा मद्दत गर्न सक्ने बताइएको छ।

ट्याब्लेटको डिस्प्ले अपग्रेडको बारेमा पनि कुरा भइरहेको छ। आईप्याड मिनी ८ मा ८.५–इन्चको ओएलईडी प्यानल रहने अफवाह रहेको छ र यो मिनी लाइनअपको लागि पहिलो हुने उल्लेख गरिएको छ। प्रो मोडेलहरू भन्दा तल राख्दै तर अझै पनि एलसीडी भन्दा राम्रो कन्ट्रास्ट र रङ्ग प्रदान गर्दै यो प्यानलमा ६० हर्ज रिफ्रेस रेट रहने अपेक्षा गरिएको छ।

एप्पलले कथित रूपमा २०२६ को तेस्रो त्रैमासलाई डिभाइसको लन्चको लागि लक्षित गरिरहेको र योजनाहरू अझै परिवर्तन हुन सक्ने बताइएको छ। यद्यपि, यदि यी लीकहरू कायम रहे भने, आईप्याड मिनी ८ एप्पलको सबैभन्दा सानो ट्याब्लेटबाट अपेक्षा गरिएको भन्दा धेरै शक्तिशाली र अधिक प्रीमियम हुन सक्ने रिपोर्ट गरिएको छ।